Кишварҳои СААД тасмимашонро дар мавриди мусоидат ба ҳалли сиёсии вазъияти Сурия тасдиқ намуданд

Душанбе, 22.12.15. (АМИТ «Ховар»). – Кишварҳои  Созмони Аҳдномаи  амнияти  дастаҷамъӣ (СААД) тасмимашонро  дар  мавриди  мусоидат   ба  ҳалли  вазъияти  Сурия  ва  гуфтушуниди  миёни ҳукумати Ҷумҳурии Араби  Сурия ба  мухолифин  тасдиқ  намуданд, —  гуфта  мешавад дар  изҳороти  сарони  давлатҳо, ки  аз  рӯи  натиҷаи  ҳамоиши  СААД  қабул  шуд. 
«Ҷилавгирии  қатъии  фаъолияти  гурӯҳҳои  террористии  ДОИШ – ро, ки дар бисёр  кишварҳо  хунрезии  бераҳмонаро ба  миён  оварда ва ба  тамоми   башарият  таҳдид  мекунад,  вазифаи  асосӣ  мешуморем», —  гуфта  мешавад  дар ҳуҷҷат. «Иброз  медорем, ки хавфу  хатар  ба  амнияти  Осиёи  Марказӣ  вобаста бо вусъат  ёфтани  фаъолияти  ДОИШ, ҷунбиши «Толибон», «Ал – Қоида» ва созмонҳои дигари террористӣ  дар қаламрави  Афғонистон  вусъат  ёфта,  вазъи  сарҳадҳои ҷанубии  СААД – ро ҳар  чи  бештар муташанниҷ  сохта, хавфи  пуршиддат  гардидани  вазъияти  минтақаи  масъулияти онро   ба  миён  меорад», — гуфта  мешавад дар  изҳорот. Кишварҳои  СААД  ҳамаи давлатҳоро  даъват  намуданд, ки  талабҳои  қатъномаи  зиддитеррористии Шӯрои  Амният  ва  Ассамблеяи  Генералии  СММ –ро  ҳатман  иҷро  намоянд. Онҳо  Русияро  дар амри ҳодисаи  марбут ба   ҳамлаи Қувваҳои  ҳарбии  ҳавоии  Туркия   ба ҳавопаймои  Су – 24  Русия   дар  Сурияро  дастгирӣ  намуданд,  хабар  дод  аз  рӯи  натоиҷи  ҳамоиш  президенти  Арманистон  Серж  Саргсян.
Роҳбарони  СААД  ваколатҳои дабири  кулли  Созмон Николай  Бордюжаро то 1  январи  соли  2017  тамдид  намуданд.