Машварати корӣ дар ҳузури Марҳабо Ҷабборӣ
Душанбе, 24.12.2015. (АМИТ «Ховар»). — Дар ҳузури муовини сарвазири мамлакат Марҳабо Ҷабборӣ ва ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа Абдуҷаббор Раҳмонзода бо роҳбарону масъулини вазорату идораҳои соҳаҳои фарҳангу ҳунар, иттилоот, радиову телевизион ва дигар бахшҳои дахлдори кишвар доир ба омодагӣ ба таҷлили 25-солагии Истиқлолияти давлатии Ҷумҳурии Тоҷикистон машварати корӣ доир гардид.
Дар ҷаласа нақшаи чорабиниҳо вобаста ба таҷлили 25-солагии Истиқлолияти давлатӣ баррасӣ гардида, барои дар сатҳи олӣ ҷашн гирифтани ин санаи муҳими тақдирсоз супоришҳои мушаххас дода шуд.
Аз ҷумла, таъкид гардид, ки тибқи супориши Сарвари давлат Эмомалӣ Раҳмон Нақшаи чорабиниҳои таҷлили 25-солагии Истиқлолияти давлатии Ҷумҳурии Тоҷикистон бо ворид намудани тадбирҳои иловагӣ аз нав таҳия шавад. Чунонки тазаккур дода шуд, чорабиниҳои бошукӯҳи фарҳангию маърифатӣ, илмию амалӣ ва фароғатию равшаннамоӣ сар аз моҳи январи соли 2016 дар давоми сол бояд дар тамоми гӯшаю канори Тоҷикистон ва берун аз он мунтазам ба роҳ монда шаванд.
Ҳамчунин зикр шуд, ки чорабиниҳо дар самти баланд бардоштани ҳисси вандӯстию ифтихори миллӣ, ҳифзи якпорчагию соҳибистиқлолӣ ва гиромидошти фарҳангу анъанаҳои миллӣ роҳандозӣ шуда, ба ин васила арзишҳои Истиқлолиятро ҳаматарафа таҷассум кунанд.
Дар назар аст, ки дар соли таҷлили 25-солагии Истиқлолият якчанд фестивалу озмунҳо, аз қабили беҳтарин сенарияҳо, фестивалҳои дарёфти истеъдодҳои нав, мусиқавӣ, рақсӣ, театрӣ, «Сайри гули лола», «Либоси миллӣ» ва инчунин озмуни муайян намудани беҳтарин вилоят, шаҳр ва ноҳия доир шаванд.
Вайрон намудани қоида ва меъёрҳои истифодаи қувваи барқ ҷиноят аст
Эмомалӣ Раҳмон: «Масъалаи талафоти неруи барқ ва истифодаи ғайриқонунии он дар ҷумҳурӣ ташвишовар аст»
Дар маҷаллаи «The Diplomatic Insight» мақолаи олимони тоҷик таҳти унвони «Эмомалӣ Раҳмон – Пешвои дипломатияи байналмилалӣ» ба нашр расид
Сарвазири Тоҷикистон бо рафти корҳои бартарафсозии оқибатҳои офати табиӣ дар ноҳияи Тоҷикобод шинос шуд
Президенти Тоҷикистон Эмомалӣ Раҳмон: «Пиряхҳои мо танҳо манбаи об барои минтақа набуда, дар ҳифзи иқлими минтақа низ нақши муҳим мебозанд»
Пиряхҳои Тоҷикистон боигарии бебаҳои табиӣ ва сарчашмаҳои муҳими оби тоза дар Осиёи Марказӣ мебошанд
ҶОИЗАИ «ШАҲРИ СУЛҲ». Онро Душанбе барои саҳми беандоза дар таҳкими сулҳ ва арзишҳои башарӣ бо қарори ЮНЕСКО соҳиб гардид
МАСЪУЛИЯТИ ШАҲРВАНДӢ. Барои ғайриқонунӣ истифода бурдани неруи барқ ҷавобгарии ҷиноятӣ муқаррар гардид
Президенти Комиссияи Иттиҳоди Аврупо Урсула фон дер Ляйен аз иқтидори бузурги Неругоҳи азими барқи обии «Роғун»-и Тоҷикистон ёдовар шуд
Президенти Тоҷикистон тавсеаи ҳамкории давлатҳои Осиёи Марказиро бо Иттиҳоди Аврупо дар соҳаи энергетикаи «сабз» аз самтҳои ояндадор номиданд
Эмомалӣ Раҳмон: «Пиряхҳои Тоҷикистон танҳо манбаи об барои минтақа набуда, дар нигоҳдории иқлими минтақа низ нақши муҳим мебозанд»
