Муҳоҷират: Бо корхонаҳои Санкт — Петербург созишнома баста хоҳад шуд
Душанбе, 15.12.2015. (АМИТ «Ховар) — Сардори Хадамоти муҳоҷирати Вазорати меҳнат, муҳоҷират ва шуғли аҳолии Ҷумҳурии Тоҷикистон Каримзода Тоҳир ва директори Маркази машваратӣ ва омодагии пеш аз сафари муҳоҷирони меҳнатии Хадамоти муҳоҷират Тошев Суҳроб барои иштирок дар Конфронси байниминтақавӣ дар шаҳри Санкт — Петербурги Федератсияи Русия, ки таҳти унвони «Навоварии муносиб дар фаъолияти Хадамоти шуғли аҳолӣ» доир мегардад, дар сафари корӣ қарор доранд.
Намояндагии Хадамот 14 декабри соли равон бо раиси Кумитаи оид ба меҳнат ва шуғли аҳолии Санкт — Петербург Дмитрий Чернейко вохӯрӣ намуда, дар мулоқот ҷонибҳо доир ба масъалаҳои ҷалби муташаккилона, фаъолияти қонунии муҳоҷирони меҳнатӣ дар Федератсияи Русия дигар масъалаҳои марбут ба муҳоҷирати меҳнатии шаҳрвандони Ҷумҳурии Тоҷикистон дар муассисаҳои Санкт — Петербург мубодилаи афкор намуданд.
Дмитрий Чернейко гуфт, ки аксари корфармоёни муассисаҳои Санкт — Петербург нисбат ба фаъолияти муҳоҷирони меҳнатии Ҷумҳурии Тоҷикистон назари хуб дошта, барои ҷалби фаъолияти расмии онҳо таваҷҷуҳи хосса доранд.
Бо ин мақсад барои соли 2016 байни Муассисаи давлатии мухтори «Маркази захираҳои меҳнатӣ»-и Санкт — Петербург ва «Маркази машваратӣ ва омодасозии пеш аз сафари муҳоҷирони меҳнатӣ»-и Хадамоти муҳоҷират оид ба ҷалби муташаккилонаи муҳоҷирони меҳнатии Ҷумҳурии Тоҷикистон ба корхонаҳои Санкт — Петербург созишнома баста хоҳад шуд.
Муовини Сарвазири Тоҷикистон дар ноҳияи Ёвон бо ҷараёни корҳои бартарафсозии оқибатҳои офати табиӣ шинос шуд
Ҷаласаи ташкилоти ибтидоии «Оморчиён»-и Ҳизби Халқии Демократии Тоҷикистон баргузор гардид
Сафири Тоҷикистон бо Раиси Суди иқтисодии ИДМ мулоқот намуд
Имрӯз дар баъзе ноҳияҳои Тоҷикистон боридани боронҳои сел пешгӯӣ мешавад
Имсол кирмакпарварони ноҳияи Хуросон беш аз 10 ҳазор килограмм пилла месупоранд
Дар Тоҷикистон Мусобиқаи ҷумҳуриявии «МегаФон Life бо сабки футбол» оғоз ёфт
Имрӯз дар баъзе ноҳияҳои Тоҷикистон борони кӯтоҳмуддат меборад
Дар озмуни вилоятии «Барномасози ҷавон» 34 довталаб аз муассисаҳои таълимии Бадахшон иштирок намуд
Дар ноҳияи Ёвон Дави миллӣ ва марафони велосипедронӣ баргузор шуд
Бахшида ба 70-солагии таъсиси шаҳри Бӯстон Озмуни шаҳрии «Китобхонаи беҳтарин» баргузор гардид
Кирмакпарварони ноҳияи Панҷ беш аз 78 фоизи нақшаи пилласупориро иҷро намуданд
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Даври якуми озмуни ҷумҳуриявӣ дар муассисаҳои таҳсилоти миёна ва олии касбӣ оғоз гардид
