Нисбат ба 38 корманди нуқтаҳои мубодилаи асъор парванда кушода, ҷаримаҳои калон ситонида шуданд
Душанбе, 4.12.2015. (АМИТ «Ховар»).- Бонки миллии Тоҷикистон бо мақсади таъмини суботи бозори дохилии асъор ва тағйирёбии муътадилии қурб як зумра чораҳои заруриро амалӣ карда истодааст. Ин нуктаро имрӯз, 4 декабр зимни нишасти матбуотӣ муовини аввали раиси БМТ Ҷамолиддин Нуралиев таъкид намуд.
Тайи бештар аз як ҳафтаи гузашта Бонки миллии Тоҷикистон дар ҳайати гурӯҳҳои кории муштарак бо мақомоти прокуратура ва Агентии назорати давлатии молиявӣ ва мубориза бо коррупсияи Ҷумҳурии Тоҷикистон назорати ҳамарӯзаи фаъолияти нуқтаҳои мубодилаи асъорро дар шаҳри Душанбе ва ноҳияҳои тобеъи марказ анҷом доданд. Дар натиҷа то имрӯз нисбат ба 38 корманди нуқтаҳои мубодилаи асъори ташкилоти қарзӣ парвандаҳо кушода шуда, аз моликони онҳо — бонкҳо ва ташкилоти қарзии амонатии хурд ҷаримаҳои калон ситонида шуданд.
“ Бо мақсади ҷорӣ кардани тартиби нави анҷомдиҳии амалиёти мубодилавӣ то охири соли ҷорӣ нуқтаҳои мубодилаи асъор баста шуда, амалиёти мубодилавӣ бевосита дар худи ташкилоти қарзӣ дар хазинаҳои марказҳои хизматрасонии бонкӣ, филиал ва саридораи бонк (муваққатан дар нуқтаҳои интиқоли пул) анҷом дода мешаванд”,-таъкид дошт Ҷ.Нуралиев.
Бино ба гуфтаи раиси БМТ, ҳамчунин бо мақсади пурзӯр кардани ҷавобгарии шахсони воқеӣ барои ғайриқонунӣ анҷом додани амалиёти мубодилавӣ ва истифодаи асъори хориҷӣ тағйироту иловаҳо ба кодексҳои маъмурӣ ва ҷиноии Ҷумҳурии Тоҷикистон омода ва ба Ҳукумати Ҷумҳурии Тоҷикистон пешниҳод шудаанд.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






