«Оилаи солим ва пойдор-асоси фардои созандаи Тоҷикистон»-мулоқот бо олимон

Файзобод, 12.12.2015 (АМИТ «Ховар»).- Шуъбаи маорифи ноҳияи Файзобод оид ба  иҷрои дастуру супоришҳои   Президенти Ҷумҳурии Тоҷикистон Эмомалӣ  Раҳмон   ва эълон гардидани Соли 2015- соли оила  дар якҷоягӣ  бо бахши зан ва оилаи ноҳия дар муассисаҳои  таҳсилоти  умумӣ чорабиниҳои  шавқовар, озмунҳо, конфронсу мизи мудаввар дар мавзӯи «Оила ва нақши он дар  тарбияи насли наврас», вохӯрӣ бо олимон дар мавзӯъҳои «Оилаи солим ва пойдору мустаҳкам -асоси фардои созандаи Тоҷикистон», «Зан- модар  сарчашмаи ҳаёт», «Нақши оила дар таълиму тарбияи кӯдак», «Оилаи беҳтарин», «Ҳимояи оила», «Модар- олиҳаи зебоӣ», «Кадбонуи  беҳтарин» ҷараён доранд.
    Бо иштироки оилаҳои намунавӣ ва намояндагони  шуъбаи маориф ва бахши зан ва оилаи  Мақомоти иҷроияи ҳокимияти давлатии ноҳия  дар муассисаҳои  таҳсилоти умумии  ҷамоатҳои деҳоти  ба номи Дӯстмуроди Алӣ ва Меҳробод бахшида  ба соли оила  вохӯрию озмунҳо гузаронида шуданд ва хонандагони ғолиб сазовори туҳфаҳо гардиданд.