Сӯиқасд ба куштор

Душанбе,23.12.2015. (АМИТ «Ховар»). —  22- юми декабри соли равон дар натиҷаи гузаронидани чорабиниҳои фаврӣ-ҷустуҷӯӣ зани 31-солаи истиқоматкунандаи ноҳияи Нуробод аз ҷониби кормандони милитсия бо гумони сӯиқасд ба куштор дастгир гардид. Муайян шуд, ки гумонбаршуда 21-уми декабр тахминан соати 18:50 бо сокини 28-солаи ҳамин ноҳия барои ба ҳалокат расонидани духтари хурдсолаш, соли таваллудаш 2015, ки барои барпо намудани оилаашон сари роҳи онҳо шудааст, маслиҳат карда, духтарчаашро ба мавзеи камодам бурда партофта, аз ҷойи ҳодиса ғайб задааст. Баъди якчанд соат кӯдак дарёфт гардида, ба падараш супорида шуд. 
Нисбат ба далели мазкур парвандаи ҷинӣ оғоз гардида, тафтиш идома дорад.