Семинари омӯзишӣ барои вакилони Маҷлиси намояндагони Маҷлиси Олии ҶТ
Душанбе, 08.12.2015. (АМИТ «Ховар»). — Дар шаҳри Душанбе семинари омӯзишӣ барои вакилони Маҷлиси намояндагони Маҷлиси Олии Ҷумҳурии Тоҷикистон дар мавзӯи «Мукаммалгардонии қонунгузорӣ дар самти рушди аҳолӣ ва амалишавии ҳадафҳои рушди устувор» баргузор гардид, ки дар он вакилони Маҷлиси намояндагон, намояндагони Ҳукумати Ҷумҳурии Тоҷикистон ва созмонҳои байналмилалӣ иштирок намуданд.
Муовини Раиси Маҷлиси намояндагони Маҷлиси Олии Ҷумҳурии Тоҷикистон Хайринисо Юсуфӣ иброз намуд, ки Ҳадафҳои рушди ҳазорсола соли соли 2000-ум аз ҷониби Ассамблеяи Генералии Созмони Милали Муттаҳид қабул шуда, соли 2015 — ро ҳамчун соли ҳисоботӣ муайян намудаанд. Ҳадафҳои рушди ҳазорсола 8 мақсади асосиро муайян намудаанд, ки танҳо марбут ба давлатҳои рушдмекарда буда, дар ҷаҳон масъалаҳои мубориза бар зидди камбизоатӣ, нобаробарӣ, фавти модару кӯдак ва ғайраҳоро гузоштаанд.
Хайринисо Юсуфӣ ҳамчунин афзуд, ки Маҷлиси намояндагони Маҷлиси Олии Ҷумҳурии Тоҷикистон ба Изҳороти (Декларатсияи) Ҳадафҳои рушди ҳазорсола эътибори ҷиддӣ дода, ҳамчун мақоми олии қонунгузории мамлакат барои амалӣ гардидани ҳадафҳои он тавассути қабули санадҳои меъёрии ҳуқуқӣ саҳми босазо мегузорад.
Ёдовар мешавем, ки ҳадафи семинари омӯзишӣ баланд бардоштани савияи маълумотнокии вакилони Маҷлиси намояндагони Маҷлиси Олии Ҷумҳурии Тоҷикистон дар бораи ҳадафҳои рушди устувор ва масъалаҳои марбут ба Конфронси байналмилалӣ оид ба аҳолӣ ва рушд бо такя ба уҳдадориҳои миллӣ ва афзалиятҳо, баланд бардоштани савияи дониши парлумонҳо нисбат ба санадҳои байналмилалӣ буд.
Имрӯз дар доманакӯҳҳои Тоҷикистон ҳаво то 36 дараҷа гарм мешавад
Имрӯз дар водиҳои Тоҷикистон ҳаво то 39 дараҷа гарм мешавад
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикии Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
