Шӯрои Амнияти СММ тавофуқотро дар бораи таъсиси ҳукумати ягонаи Либия ҷонибдорӣ кард
Душанбе, 24.12.2015 (АМИТ «Ховар»). — Ҳафтаи сипаришуда Шӯрои Амнияти СММ тавофуқотро дар бораи ташаккули Ҳукумати ваҳдати миллии Либия, ки аз ҷониби мухолифони Парлумон ба даст омадаст, тасдиқ намуд. Қарори дахлдор аз ҷониби понздаҳ нафар аъзои Шӯрои Амнияти СММ якдилона қабул гардид, хабар медиҳад РИА Новости.
17 декабр вакилони ҳарду маркази ҳокимияти рақобаткунандаи Либия шартномаро дар мавриди таъсис додани ҳукумати ваҳдати миллӣ ба имзо расонданд. Маросими баимзорасии тавофуқот бо миёнаравии СММ дар Марокаш баргузор гашт.
Санад ба ташкили Шӯрои роҳбарикунанда даъват мекунад. Ба он бояд нӯҳ нафаре ворид шаванд, ки ҳукуматро дар асоси Палатаи намояндагони маркази ҳокимият дар Тобрук ва мақомоти машваратӣ дар асоси Шӯрои давлатии он ташкил мекунанд. Эълони ҳайати ҳукумати нав моҳи январи соли 2016 баргузор хоҳад гашт.
Баъд аз сарнагун сохтани роҳбари Либия Муаммар Қаззофӣ дар соли 2011 дар кишвар ду ҳукумат амал мекунад — ҳукумати демократии аз ҷониби ҷомеаи байналмилалӣ эътирофшуда дар Тобрук ва ҳукумати исломӣ дар Тароблус (Триполи).
13 август дар филиалҳои Донишгоҳи давлатии Москва, Донишгоҳи миллии таҳқиқотии технологӣ «МИСИС» ва Мақомоти иҷроияи ҳокимияти давлатии шаҳри Ҳисор нишасти матбуотӣ доир мегардад
НИШАСТИ МАТБУОТӢ. Аз ноҳияи Тоҷикобод 20 ҳазору 600 тонна маҳсулоти кишоварзӣ содирот гардид
НИШАСТИ МАТБУОТӢ. Дар Донишкадаи тиббии иҷтимоии Тоҷикистон Маркази таҳсилоти баъдидипломӣ таъсис дода шуд
НИШАСТИ МАТБУОТӢ. Дар ноҳияи Рӯдакӣ дар шаш моҳ ба маблағи беш аз 487 миллион сомонӣ маҳсулоти саноатӣ истеҳсол карда шуд
Имрӯз дар доманакӯҳҳои Тоҷикистон ҳаво то 36 дараҷа гарм мешавад
Дар Тоҷикистон ҷамъоварии ҳосили гандум идома дорад
Дар Тоҷикистон Фестивали якуми байналмилалии санъати сиркӣ баргузор мегардад
Имрӯз дар Тоҷикистон ҳаво то 39 дараҷа гарм мешавад
