Сокинони Хоруғ бо оби ошомиданӣ пурра таъмин мегарданд

Хоруғ, 4.12. 2015. (АМИТ  «Ховар»).-Ҳукумати Ҷумҳурии Тоҷикистон дар ҳамкорӣ бо Бонки   аврупоии рушд  1 миллиону 367 ҳазор доллари  амрикоӣ барои таъмин  намудани   маркази вилояти Бадахшон-  шаҳри Хоруғ  бо оби ошомиданӣ  ҷудо кардааст. Амалӣ намудани ин барнома ба ду марҳила ҷудо  гардида, имрӯзҳо марҳилаи дуюм — пайвастани қубурҳои обгузар давом  дорад. 
Бояд гуфт, ки  интиқоли об  тавассути қубурҳо  аз мавзеи   Боғевдараи   ҷамоати деҳоти Сучон ба  маркази вилоят   ба роҳ монда мешавад. Бахтиёр Элназаров  — мушовири Бонки аврупоии рушд дар ВМКБ  иброз дошт, ки  ҳамчунин тибқи нақша   ҳавзҳои  обтақсимкунӣ, ҳавзҳои  захираи об  ва бино  барои омезиш ва такшини хлор,  яъне безараргардонии   об сохта  мешаванд. Имрӯзҳо   сокинони шаҳри Хоруғ   аз тариқи реҷа бо об  таъмин гардида истодаанд.