Таъмири 3630 км роҳҳои вилояти Суғд дар соли 2015

Суғд, 21.12.2015.  (АМИТ «Ховар»). — Дар шаҳру ноҳияҳои вилояти Суғд 3630,2  км роҳҳои мошингард, аз ҷумла 221 км таъмири асосӣ, 1442,3  км таъмири ҷорӣ  ва 1966,4 км шағалпӯш карда шуданд, ки нисбат ба ҳамин давраи соли сипаригашта  29,9 фоиз зиёд аст.
Мавриди зикр аст, ки қабули барнома аз ҷониби соҳибкорону сокинон дастгирии ҳамаҷониба ёфта, дар натиҷаи маблағгузории онҳо роҳу кӯчаҳо ба дарозии 46,7 км ба маблағи 32,7 миллион сомонӣ  таъмиру тармим шуданд. 
Дар маҷмӯъ Барномаи вилоятии “Соли 2015-идомаи соли роҳҳои обод” дар вилояти Суғд барзиёд ба иҷро расонида шуда, вазъи роҳҳои маҳаллӣ нисбат ба солҳои қаблӣ хеле беҳтар гардид.