Темурмалик: Бунёди муассисаҳои фарҳангӣ

    Душанбе, 10.12.2015. (АМИТ «Ховар) — Бо маблағгузории Ҳукумати Ҷумҳурии Тоҷикистон дар ноҳияи Темурмалик сохтмони Қасри фарҳангӣ  идома  дорад. Баҳодур Ғаниев, мудири шуъбаи фарҳанги ноҳияи мазкур иттилоъ дод, ки маблағи лоиҳавии сохтмони қаср  7    миллиону 256 ҳазор сомониро ташкил медиҳад. 
          Номбурда ҳамзамон хабар дод, ки дар ноҳия  23  китобхона  фаъолият дорад, ки   ҳамарӯза дӯстодорони китоб адабиёти заруриро аз он ҷо дастрас менамоянд. Хурсандиовар аст, ки  ҳоло дар ноҳия    сохтмони  2 китобхонаи замонавӣ  идома дошта, сохтмони яке аз онҳо дар арафаи анҷомёбист.