Ҳукумати Русия квотаи кормандони хориҷиро кам мекунад

Душанбе, 24.12.15. (АМИТ «Ховар»). — Ҳукумати Русия соли оянда  квотаи  кормандони  хориҷиро  қариб чоряк  баробар  кам  мекунад. 
Тавре  ки  дар қарори  дар сомонаи расмии  ҳукумати  ФР  дарҷгардида  гуфта  мешавад,  соли оянда квотаи  кормандони  хориҷӣ дар  Русия  қариб  214  ҳазор  нафарро ташкил  медиҳад, ки   назар ба  нишондоди  соли  2015 баробари  22,4  фоиз  кам  аст. 
Ҳаҷми  талабот ба қувваи  кории  хориҷӣ  барои соли  2016  — ум 0,3  фоизи теъдоди  аҳолии  аз  нигоҳи  иқтисодӣ  фаъоли  Русияро ташкил  медиҳад, ки ин  ба бозори  меҳнат  таъсири  манфӣ  намерасонад.
Ёдовар  мешавем, ки  муҳоҷирони  тоҷик асосан  Русияро ҷойи  кори  худ  интихоб  мекунанд. Мувофиқи  маълумоти Хадамоти федералии  меҳнати  ФР,  то 4  декабри  соли  равон 896  ҳазор  нафар  шаҳрвандони  Тоҷикистон  дар  қаламрави  Русия  буданд. Шумораи   шаҳрвандони  Тоҷикистон  дар ҳудуди  ФР  нисбат ба оғози  сол баробари  тақрибан 103 ҳазор  нафар  коҳиш  ёфтааст.