Ҷавонони Ҷиргатол аз ҷудошавии оилаҳои ҷавон ва никоҳҳои хешутаборӣ воқиф гаштанд

Душанбе, 21.01.2016 (АМИТ «Ховар»).- Бахши кор бо занон ва оилаи назди мақомоти иҷроияи маҳаллии ҳокимияти давлатии ноҳияи Ҷиргатол дар якҷоягӣ бо бахши ҷавонон, варзиш ва сайёҳӣ ва бо ташаббуси ШВКД — и ноҳия бо ҷавонон ва донишҷӯёни Литсейи касбӣ- техникии ноҳия доир ба масъалаи пешгирии шомилшавии ҷавонон ба ҳизбу ҳаракатҳои гуногуни ифротӣ, пешгирии ҷинояту ҷинояткорӣ, ҷудошавии оилаҳои ҷавон, никоҳҳои хешутаборӣ ва дигар омилҳои номатлуби замон вохӯрӣ баргузор намуд.
Дар вохӯрӣ аъзои гурӯҳи «Пешоҳанг» — и назди ВКД — и ҷумҳурӣ Давлатбеков Мардихудо гуфт, ки ҷавонони кишварамон сиёсати пешгирифтаи Президенти мамлакат, Пешвои миллат, Ҷаноби Олӣ муҳтарам Эмомалӣ Раҳмонро ҳаматарафа дастгирӣ намуда, дар ҷомеаи созандаву бунёдкорӣ саҳми босазои худро хоҳанд гузошт.