Баррасии масъалаи саломатии модару кӯдак бо занони хонашин ва ҳомиладор

Душанбе, 21.01.2016 (АМИТ «Ховар»).- Бахши кор бо занон ва оилаи назди мақомоти иҷроияи маҳаллии ҳокимияти давлатии ноҳияи Ҷиргатол дар якҷоягӣ бо масъулини КАТС — и ноҳия, маркази солимии репродуктивӣ дар ҷамоати деҳоти Утсу бо занони хонашин ва ҳомиладор доир ба масъалаи саломатии модару кӯдак вохӯрӣдоир намуд. Дар чорабинӣ ба занони қобили таваллуд, ҳомила ва бемор аз тарафи маркази номбурда маводи контрасептӣ ва доруворӣ ройгон тақсим шудаанд.
Инчунин доир ба масъалаҳои тарбияи дурусти фарзандон, сарфаю сариштакорӣ, муҳоҷирати меҳнатӣ, пешгирии ҷудошавии оилаҳо ва никоҳҳои хешутаборӣ суҳбатҳо гузаронида шуданд. Дар ҷамъомад зиёда аз 90 зан иштирок дошт ва доир ба масъалаҳои марбут таклифу пешниҳодҳо ироа намуданд.