Беш аз ҳазор нафар ба курсҳои азнавтайёркунӣ ва такмили ихтисос ҷалб шуданд

Душанбе, 13.01.2016. (АМИТ «Ховар»). — Соли 2015 дар Донишкадаи идоракунии давлатии назди Президенти Ҷумҳурии Тоҷикистон 24 курс аз ҷумла, 1 курси азнавтайёркунӣ, 11 курси такмили ихтисос ва 12 курси сайёр доир гардид, ки дар онҳо 1021 нафар (383 нафар занон, ё 37,5%)донишу малака ва маҳорати касбии худро такмил дода, соҳиби Гувоҳнома гардиданд. Ин нуктаро ректори донишкада Лутфия Абдухолиқзода зимни нишасти матбуотӣ ироа намуд.
Ҳамзамон Донишкада аз ҷониби лоиҳаҳои хориҷӣ 491 хизматчии давлатӣ ва кормандони масъули вазоратҳои маориф ва илми Ҷумҳурии Тоҷикистон, тандурустӣ ва ҳифзи иҷтимоии Ҷумҳурии Тоҷикистонро ба курсҳо ҷалб намуда, Гувоҳнома дод.
“Дар маҷмӯъ, дар давоми сол 1 ҳазору 512 нафар ба курсҳои азнавтайёркунӣ ва такмили ихтисос ҷалб шуданд, ки назар ба нақшаи соли 2015 196 нафар зиёд мебошад”,-илова намуд ректор.