Чорабинӣ бахшида ба қабули Қонун «Дар бораи Асосгузори сулҳу ваҳдати миллӣ-Пешвои миллат» дар ДДЗТ

Душанбе, 08.01.2016 (АМИТ «Ховар»).- Имрӯз дар Донишкадаи давлатии забонҳои Тоҷикистон бахшида ба қабули Қонуни Ҷумҳурии Тоҷикистон «Дар бораи Асосгузори сулҳу ваҳдати миллӣ — Пешвои миллат» чорабинӣ баргузор гардид, ки дар он ректори донишкада ва устодону донишҷӯён ширкат варзиданд.
Зимни баргузории чорабинӣ ректори Донишкадаи давлатии забонҳои Тоҷикистон, доктори илмҳои педагогӣ Қосимзода Идигул изҳор дошт, ки дар ҳақиқат ҷасорат ва корнамоиҳои беназири Ҷаноби Олӣ боис гардиданд, ки мо ӯро ҳамчун Пешвои миллати тоҷикон эътироф кунем. Ҳамчунин номбурда гуфт, ки: «Дар солҳои 1990 бар асари ҷанги шаҳрвандӣ мардум тарки Ватан карда, бехонаву дар монданд. Назари Худованд буд, ки ин марди фарзона, ки ҳамагӣ 40 сол дошт, ба сари давлат омад. Хуни тоҷиконааш ҷӯш зад, ҷони худро дареғ надошта, ба Ҷумҳурии Афғонистон барои баргардонидани гурезаҳо сафар намуда, қариб 2 млн муҳоҷирро ба ватан баргардонид».