Дар Сингапур 27 коргари Бангладеш барои дастгирии терроризм ҳабс шуд

Душанбе, 21.01.2016. (АМИТ «Ховар»). — Дар Сингапур 27 нафар коргарони Бангладеш, ки идеологияи исломгароёнро, аз қабили гурӯҳҳои радикалии «Ал — Қоида», ҳамчунин «Давлати исломӣ» дастгирӣ менамуданд, ҳабс шуданд. Дар изҳороти 20 январ интишоркардаи вазорати корҳои дохилии ҷумҳурӣ дар ин бора хабар дода мешавад.
Дар баробари ин гуфта мешавад, ки: «баъзеи онҳо шояд ба амалиёти ҳарбӣ дар кишварҳои дигар даст задаанд, вале дар Сингапур ягон ҳамлаи террористиро ба нақша нагирифта буданд». Мувофиқи маълумоти вазорат, маросими дастгирӣ дар давраи аз моҳи ноябр то моҳи декабри соли гузашта сурат гирифта», — 26 нафар ба ватанашон фиристода шуданд. Як нафари дигар дар маҳбаси маҳаллӣ буда, интизори фиристодан ба Бангладеш мебошад.
Мувофиқи маълумоти ВКД, қисми зиёди шахсони ҳабсшуда аъзои гурӯҳи махфии динӣ буда, ба таҳқиқи исломиёни гузаро, масалан, имоми Яман Анвар ал — Авлакӣ, ки моҳи сентябри соли 2011 нобуд карда шуд, машғул буданд.
«Вусъат ёфтани фаъолияти таблиғгарони муътабар, ки ба зӯроварӣ даъват намуда, дар бораи имконнопазирии таҳаммул, роиҷ будани чунин «таълимот» дар интернет, ташвиқи террору қатл даъват менамоянд, тамоюлҳои байналмилалие ба шумор мераванд, ки ба Осиёи Ҷануби Шарқӣ хосанд», — изҳор дошт роҳбари вазорат. «Мақсади асосии ин мутаассибон сарнагун сохтани ҳукумати қонунӣ ва ташкили халифат дар минтақа мебошад», — гуфт роҳбари ВКД.