Дар соли 2016 имкони боло рафтани иқтисодиёти Тоҷикистон вуҷуд дорад

Январь 7, 2016 17:48

Душанбе, 07.01.2016. (АМИТ «Ховар»). — Бонки ҷаҳонӣ пешгӯӣ кардааст, ки соли 2016 иқтисоди Тоҷикистон 4,2-4,8 ва 5,5 фоиз боло меравад. Бино ба гуфтаи сардори Раёсати таҳлили масъалаҳои макроиқтисодии Маркази тадқиқоти стратегии назди Президенти ҶТ Ғафурҷон Расулов дурнамои пешниҳодкардаи Бонки ҷаҳонӣ бо назардошти вазъияти ҳозира ва ояндаи ҷаҳон пешниҳод шудааст. «Албатта, имрӯз вазъият дар ҷаҳон душвор мебошад. Муборизаи сиёсии абарқудратҳо, паст рафтани вазъи нархи молҳои содиротии Тоҷикистон, аз қабили пахта ва алюминий, таҳримҳое, ки ба Русия эълон гардиданд ва ҷавобҳои Русия, таҳримҳои Русия ба Туркия, паст рафтани иқтисоди кишварҳои стратегии Тоҷикистон, аз ҷумла, Чин, Русия, Қазоқистон, Туркия ва дигар кишварҳо, албатта, ба иқтисодиёти Тоҷикистон, таъсири худро мерасонанд. Пешниҳоди бонки ҷаҳонӣ ин як барномаи рушд буда, дар ҳолати дар оянда беҳтар гардидани вазъи иқтисодии ҷаҳон, барҳам додани таҳримҳо ва зиёд шудани талабот ба маҳсулоти содиротии Тоҷикистон метавонад суръати рушди иқтисодиёти ҶТ-ро бештару беҳтар гардонад»,-гуфт Ғ.Расулов.
Бино ба гуфтаи мусоҳиб, Бонки ҷаҳонӣ созмони молиявии бузург буда, дар сатҳи ҷаҳон таҳлилҳои зиёд мегузаронад. Он дурнамое, ки имрӯз Бонки ҷаҳонӣ пешниҳод кардааст, дар як сенария буда, дар ҳоли боло рафтани суръати рушди иқтисодиёти ҷаҳон нишондиҳандаҳои макроиқтисодии Тоҷикистон низ беҳтар хоҳад шуд.
«Имкониятҳо дар ҶТ барои баланд бардоштани иқтисодиёт дар соли 2016 зиёданд. Масалан, дар Ёвон се корхонаи саноатӣ ба истифода дода мешавад, инчунин дар Тоҷикистон се минтақаи саноатӣ Данғара, Ёвон ва Панҷи Поён ташкил мегардад. Дар корхонаи муштарак ва минтақаҳои озоди иқтисодӣ корҳо вусъат меёбанд. Ба фикри ман дар сурати беҳтар намудани фаъолият мо метавонем ба нишондиҳандаҳои беҳтар ноил гардем»,-илова намуд коршиноси масоили иқтисодӣ.
Ғ.Расулов дар мавриди вазъи қурби асъор дар соли 2016 иброз намуд, ки ҳангоми зиёд шудани фоизи бозтамвил дар Амрико, қурби доллар низ зиёд мегардад ва дар оянда низ Амрико нияти зиёд кардани бозтамвилро дорад. «Имколнияти боло рафтани қурби доллар имсол низ вуҷуд дорад»,-баён дошт Ғ.Расулов.

Январь 7, 2016 17:48

Хабарҳои дигари ин бахш

Душанбе мизбони конференсияи миллӣ ва Намоишгоҳи технологияҳои рақамӣ дар соҳаи кишоварзӣ мегардад
Тоҷикистон ва Озарбойҷон ҳамкориро дар соҳаи ҳифзи муҳити зист тақвият медиҳанд
Дар Душанбе ҷаласаи 45-уми пленарии ГАО оғоз шуд
Раванди татбиқи низоми электронии сертификатсияи фитосанитарӣ дар Тоҷикистон баррасӣ гардид
Ҳамкории Палатаи ҳисоби Тоҷикистон ва Додгоҳи ҳисоби Туркия густариш меёбад
«ПАРДОХТИ ЯГОНАИ КОММУНАЛӢ». Низоми нав пардохтро барои сокинон осонтар, равшантар ва шаффофтар мегардонад
Ҳаҷми истеҳсоли маҳсулоти кишоварзӣ дар Хатлон ба 42,5 миллиард сомонӣ баробар шуд
Тоҷикистон ният дорад то соли 2035 партовҳои газҳои гулхонаиро то 40 фоиз коҳиш диҳад
Рӯзи Президенти Тоҷикистон яке аз санаҳои муҳими тақвими сиёсию фарҳангии ҷумҳурӣ ба шумор меравад
Дар Фурудгоҳи байналмилалии Душанбе ба дастовардҳои даврони соҳибистиқлолии Тоҷикистон арҷ мегузоранд
АЗ СОЛИ БАЙНАЛМИЛАЛИИ ОБИ ТОЗА ТО РӮЗИ БАЙНАЛМИЛАЛИИ ЗЕҲНИ СУНЪИИ БЕХАТАР, ҲИФЗШУДА ВА БОЭЪТИМОД. Андешаҳо дар ин маврид
Зеҳни сунъӣ ба яке аз технологияҳои серталабтарини асри рақамӣ аз лиҳози истеъмоли неруи барқ табдил меёбад