Дар Тоҷикистон никоҳи хешутаборӣ тибқи қонун манъ гардид
Душанбе, 13.01. 2016. (АМИТ «Ховар»).-Дар Ҷумҳурии Тоҷикистон аз 1-уми июли соли равон никоҳи байни хешовандони наздик байни фарзандону бародарон, хоҳарон, бародару хоҳар, байни тағову ҷиян, амак ва бародарзода, хола ва хоҳарзода манъ карда шуд.
Дар ин бора имрӯз палатаи поёнии Парлумони кишвар лоиҳаи Қонуни Ҷумҳурии Тоҷикистон «Дар бораи ворид намудани тағйиру иловаҳо ба Кодекси оилаи Ҷумҳурии Тоҷикистон»-ро қабул намуд.
Дар назди вакилони мардумӣ вазири тандурустӣ ва ҳифзи иҷтимоии аҳолии Ҷумҳурии Тоҷикистон Салимзода Нусратулло ва вакили мардумӣ Гулбаҳор Ашурова баромад намуда, иброз намуданд, ки лоиҳаи қонуни мазкур бо мақсади гузаронидани муоинаи тиббии ҳатмии никоҳшавандагон пеш аз бастани ақди никоҳ барои амалӣ гардонидани дастуру супоришҳои Президенти Ҷумҳурии Тоҷикистон, ки дар Паёми навбатӣ ба Маҷлиси Олии Ҷумҳурии Тоҷикистон аз 23 январи соли 2015 баён гардидаанд, бо тартиби ҳуқуқи ташаббуси қонунгузорӣ аз тарафи Ҳукумати Ҷумҳурии Тоҷикистон пешниҳод гардидаанд.
Мақсади асосии ворид намудани тағйиру иловаҳо ба моддаи 15 Кодекси оилаи ҶТ-ро вазири тандурустӣ Нусратулло Салимзода- ин ворид намудани муоинаи тиббии ҳатмии шахсони никоҳшаванда ва онҳоро бо натиҷаи муоинаи тиббии ҳатмии ҳамдигар шинос кардан арзёбӣ намуд. Инчунин дар моддаи 14-и кодекси мазкур ворид шудааст, ки агар шахсоне ки аз муоинаи тиббии ҳатмӣ нагузаштаанд, ҳуқуқ ба бастани никоҳ надоранд.
Н. Салимзода иттилоъ дод, ки тибқи омори расмӣ то 1-уми январи соли 2016 шумораи кӯдакони маъюб 25 ҳазору 328 нафар ё 0,8 %-и умумии кудакони синни то 18 соларо ташкил медиҳад. Аз рӯи таҳлилҳои мутахассисони соҳа маълум гашт, ки дар 30-35 %-и ҳолатҳо сабаби тавлиди кӯдакони маъюб никоҳи хешу табории наздик мебошад. Шумораи зиёди кӯдаконе, ки гирифтори бемории чашм, гӯшу бинӣ ва нутқ буда, аз никоҳи хешу табории наздик ба дунё омадаанд, ба теъдоди умумии кудакони маъюб шомил нагардидааст.
Ба гуфтаи вазири тандурустӣ падидаи ташвишовар он аст, ки 40-50 фисади оилаҳои аз никоҳи хешу таборӣ наздик аз ду то чор фарзанди маъюб доранд.
16 декабр ҷаласаи якуми якҷояи Маҷлиси миллӣ ва Маҷлиси намояндагони Маҷлиси Олӣ, даъвати ҳафтум баргузор мегардад
15 декабр иҷлосияи чоруми Маҷлиси миллии Маҷлиси Олии Ҷумҳурии Тоҷикистон, даъвати ҳафтум баргузор мешавад
16 декабр ҷаласаи якуми якҷояи Маҷлиси миллӣ ва Маҷлиси намояндагони Маҷлиси Олӣ, даъвати ҳафтум баргузор мегардад
Дар иҷлосияи дуюми Маҷлиси намояндагон ба ду қонун тағйиру илова ворид карда шуд
15 декабр иҷлосияи чоруми Маҷлиси миллии Маҷлиси Олии Ҷумҳурии Тоҷикистон, даъвати ҳафтум баргузор мешавад
Созишнома байни Ҳукумати Ҷумҳурии Тоҷикистон ва Ҳукумати Федератсияи Русия дар бораи таъсиси парки саноатӣ дар Тоҷикистон ба тасвиб расид
Дар Маҷлиси намояндагон бахшида ба Рӯзи таъсиси Ҳизби Халқии Демократии Тоҷикистон ҳамоиш доир шуд
Муовини Раиси Маҷлиси намояндагон бо муовини Вазири умури хориҷаи Эрон оид ба корҳои консулӣ ва парлумонӣ вохӯрӣ намуд
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор шуд
Дар кумитаи Маҷлиси миллӣ оид ба иқтисодиёт ва коммуникатсия се қонун мавриди баррасӣ қарор гирифт
Аъзои Кумитаи Маҷлиси миллӣ оид ба масъалаҳои аграрӣ, шуғли аҳолӣ ва экология ду қонунро ба Шурои Маҷлиси миллӣ пешниҳод намуданд
Доир ба заминаҳои қонунгузории гузариш ба иқтисоди рақамӣ ҳамоиш баргузор гардид
