ХМ: Пеш аз сафар маълумоти заруриро дастрас намоед
Душанбе, 12.01.2016. (АМИТ «Ховар»). -Бо фарорасии фасли баҳор садҳо шаҳрвандони мамлакат барои кор дар минтақаҳои гуногуни Федератсияи Русия омадагӣ мебинанд. Хадамоти муҳоҷират ба ҳар як шаҳрванди ҷумҳурӣ, ки ба муҳоҷирати меҳнатӣ меравад, тавсия медиҳад, ки пеш аз сафар ба Русия ба сохторҳои Хадамоти муҳоҷирати Вазорати меҳнат, муҳоҷират ва шуғли аҳолии Ҷумҳурии Тоҷикистон муроҷиат намояд.
Кормандони Раёсати муҳоҷирати меҳнатии Хадамоти муҳоҷират ҳамарўза корҳои фаҳмондадиҳӣ ва иттилоотиро дар байни муҳоҷирони меҳнатӣ тақвият бахшида, омодаанд ба шаҳрвандон дар ин самт кумак расонанд.
Дар соли 2015 ба Раёсати муҳоҷирати меҳнатӣ 112 ҳазору 183 шаҳрванд оид ба тағйиру иловаҳо дар қонунгузории муҳоҷирати Федератсияи Русия муроҷиат намудааст.
Дар айни замон дар Хадамоти муҳоҷират рўйхати шаҳрвандоне, ки воридшавии онҳо ба Федератсия Русия манъ шудааст, то 30 ноябри соли 2015 мавҷуд мебошад. Аз ин лиҳоз, Раёсати муҳоҷирати меҳнатии Хадамоти муҳоҷирати Вазорати меҳнат, муҳоҷират ва шуғли аҳолии ҶТ ба диққати шаҳрвандони ҷумҳурӣ мерасонад, ки пеш аз сафар ба Федератсияи Русия ҳатман ба Хадамоти муҳоҷират муроҷиат намуда, маълумоти заруриро дастрас намоянд.
20 июл дар Вазорати рушди иқтисод ва савдо, Бонки миллӣ ва Агентии омор нишасти матбуотӣ баргузор мегардад
Имрӯз дар водиҳои Тоҷикистон ҳаво то 43 дараҷа гарм мешавад
ДАР МАСИРИ ИЛМУ МАЪРИФАТ. Эҳдо ба рӯзи таъсисёбии Коллеҷи омори шаҳри Ваҳдат
Имрӯз дар доманакӯҳҳои Тоҷикистон ҳаво то 37 дараҷа гарм мешавад
НИШАСТИ МАТБУОТӢ. Дар корхонаҳои саноатии ноҳияи Шоҳмансур ба маблағи беш аз 600 миллион сомонӣ маҳсулот истеҳсол шудааст
Имрӯз дар шаҳри Душанбе ҳаво то 40 дараҷа гарм мешавад
