Ифтитоҳи боз як маркази омӯзишӣ-истеҳсолии дӯзандагӣ дар Душанбе
Душанбе, 07.01.2016. (АМИТ «Ховар»).- Фардо, 8 январи соли равон дар бинои Маркази хизматрасонии «София»-и ноҳияи Сино маркази омӯзишӣ-истеҳсолии дӯзандагӣ барои занону духтарон ифтитоҳ мегардад. Бояд гуфт, ки марказ бо иқдоми Кумитаи иҷроияи марказии Ҳизби Халқии Демократии Тоҷикистон ва Сафоратхонаи Ҷумҳурии Мардумии Чин ба истифода дода мешавад. Бино ба гуфтаи Абдураҳмон Хонов, роҳбари дастгоҳи марказии Ҳизби Халқии Демократии Тоҷикистон ҳадаф аз таъсиси чунин марказҳо он аст, ки бонувон ҳунари дӯзандагиро аз худ намоянд ва имконияти ба ҷойи кор таъмин намудани онҳо бештар гардад.
Дар кушодашавии чорабинии мазкур дар назар аст, ки муовини раиси ҲХДТ Раъно Бобоҷониён, раиси Кумитаи кор бо занон ва оилаи назди Хукумати Ҷумҳурии Тоҷикистон Махфират Хидирзода, сафири Ҷумҳурии мардумии Чин Юе Бин ва раиси Кумитаи иҷроияи ҲХДТ дар ш. Душанбе Ҷамшед Саидов суханронӣ намоянд.
Бояд зикр намуд, ки ин 5-умин маркази дӯзандагие мебошад, ки аз ҷониби Кумитаи иҷроияи марказии Ҳизби Халқии Демократии Тоҷикистон ва сафоратхонаи Ҷумҳурии Мардумии Чин таъсис дода шудааст. Ёдовар мешавем, ки дар марказҳои мазкур то имрӯз зиёда аз 300 нафар занону духтарон касби дӯзандагиро аз худ намуда, дар ҳоли ҳозир наздики 100 нафари дигар барои омӯзиш дар маркази мазкур фаро гирифта шудаанд.
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
ҶАМЪБАСТИ НИШАСТҲОИ МАТБУОТӢ. 14 август дар Филиали Донишкадаи энергетикаи Москва дар шаҳри Душанбе нишасти матбуотӣ доир мегардад
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
Дар Бохтар оид ба кам кардани талафоти неруи барқ ҷаласа доир гардид
Ҷалби сармояи Чин ба соҳаҳои афзалиятноки иқтисоди Тоҷикистон баррасӣ гардид
Имрӯз дар шаҳри Душанбе ҳаво то 40 дараҷа гарм мешавад
