Кормандони Кумитаи оид ба корҳои дин ба тамошои “Сареву савдое” рафтанд
Душанбе, 19.01.2016 (АМИТ «Ховар»).-16-уми январи соли 2016 роҳбарият ва кормандони Кумитаи оид ба корҳои дин, танзими анъана ва ҷашну маросими миллии назди Ҳукумати Ҷумҳурии Тоҷикистон дар якҷоягӣ бо кормандони соҳа ва ходимони дин ба Театри давлатии ҷавонон ба номи Маҳмудҷон Воҳидов барои тамошои намоишнома рафтанд. Ҳунармандони театр саҳнаи “Сареву савдое”-ро ба намоиш гузоштанд, ки аз ҷониби тамошогарон мавриди пазириш қарор гирифт. Намоишномаи мазкур ба масъалаи сарфу харҷи беҳуда барои баргузории ҷашну маъракаҳо бахшида шуда буд. Аз ин лиҳоз, дар ин намоишгоҳ, ки дар баробари кормандони соҳа имомон ва имомхатибони шаҳрҳои Душанбе, Ваҳдат, Турсунзода ва ноҳияҳои Шаҳринав, Ҳисор, Рӯдакӣ ва Варзоб дар қатори тамошобинон буданд, намоишномаи мазкурро дар самти фаҳмонидани моҳияти Қонуни Ҷумҳурии Тоҷикистон “Дар бораи танзими анъана ва ҷашну маросимҳо дар Ҷумҳурии Тоҷикистон” ба мардум муассир арзёбӣ намуданд.
Маврид ба зикр аст, ки кормандони соҳа дар гузашта низ аз тамошои намоишномаҳои хубе дар Театри давлатии академӣ-драмавии ба номи Абулқосим Лоҳутӣ бархурдор гашта буданд.
13 август дар филиалҳои Донишгоҳи давлатии Москва, Донишгоҳи миллии таҳқиқотии технологӣ «МИСИС» ва Мақомоти иҷроияи ҳокимияти давлатии шаҳри Ҳисор нишасти матбуотӣ доир мегардад
НИШАСТИ МАТБУОТӢ. Аз ноҳияи Тоҷикобод 20 ҳазору 600 тонна маҳсулоти кишоварзӣ содирот гардид
НИШАСТИ МАТБУОТӢ. Дар Донишкадаи тиббии иҷтимоии Тоҷикистон Маркази таҳсилоти баъдидипломӣ таъсис дода шуд
НИШАСТИ МАТБУОТӢ. Дар ноҳияи Рӯдакӣ дар шаш моҳ ба маблағи беш аз 487 миллион сомонӣ маҳсулоти саноатӣ истеҳсол карда шуд
Имрӯз дар доманакӯҳҳои Тоҷикистон ҳаво то 36 дараҷа гарм мешавад
Дар Тоҷикистон ҷамъоварии ҳосили гандум идома дорад
Дар Тоҷикистон Фестивали якуми байналмилалии санъати сиркӣ баргузор мегардад
Имрӯз дар Тоҷикистон ҳаво то 39 дараҷа гарм мешавад
