Кумитаи меъморӣ ва сохтмон: Нақшаи генералии 32 шаҳру ноҳия пурра таҳия гардидааст

Душанбе, 21.01.2016 (АМИТ «Ховар»).- Тибқи иттилои Саидзода Нуралӣ Ғиёс, муовини якуми раиси Кумитаи меъморӣ ва сохтмони назди Ҳукумати ҶТ аз ҷониби кумитаи мазкур аз 65 шаҳру ноҳияи ҷумҳурӣ нақшаҳои генералии 32 шаҳру ноҳия пурра таҳия гардида, бо қарорҳои дахлдори Ҳукумати Ҷумҳурии Тоҷикистон тасдиқ шудаанд ва ҳоло мавриди амал қарор доранд.
Нақшаи генералии маркази ноҳияи Ҷ. Румӣ, А. Ҷомӣ, Спитамен ва шаҳраки Пролетари ноҳияи Ҷ. Расулов бо ҳамаи вазорату идораҳо мувофиқа гардида, барои тасдиқ намудан ба Ҳукумати ҷумҳурӣ пешниҳод гардидааст.
Инчунин Саидзода Нуралӣ Ғиёс илова намуд, ки нақшаи генералии шаҳри Душанбе ва 8 шаҳру ноҳияҳои дигар Ҷиликул, Дарвоз, Бохтар, Варзоб, Сарбанд, Қайроққум, Ғончӣ ва Ашт барои мувофиқа дар вазорату идораҳои дахлдор қарор доранд