М. Ҷабборӣ: «Маданияти ҳар як миллатро муносибати он нисбат ба зан муайян мекунад
Душанбе, 25.01.2016 (АМИТ «Ховар»).-«Дар давоми 25 соли соҳибистиқлолӣ иқдомҳои созандаи Пешвои миллат Эмомалӣ Раҳмон амалӣ шуда истодаанд, ки албатта, ин барои баланд бардоштани мақому манзалати занон ва обрӯи занони тоҷик як заминаи мусоид фароҳам овардааст»,- гуфт муовини сарвазири ҶТ Марҳабо Ҷабборӣ имрӯз, 25 январ дар конфронси ҷумҳуриявии “Нақши Асосгузори сулҳу Ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар таҳкими мавқеи занону модарон дар даврони Истиқлолият», ки дар Муассисаи давлатии “Китобхонаи миллии Тоҷикистон” ба кори худ оғоз кард.
М. Ҷабборӣ илова намуд, ки Парвардигор танҳо ба зан қобилияти офариниши инсонро ато кардааст ва ҳар як сокини сайёра бояд ин офаридгор, яъне зан-модарро арҷгузорӣ намуда, гиромӣ дорад. Асосгузори сулҳу Ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон аз рӯзҳои нахустини фаъолияти роҳбарӣ бо такя ва арҷгузорӣ ба ин олиҳаи муқаддаси инсоният ва бо меҳру муҳаббати фарзандӣ ва эҳтирому таҳсин тамоми неру ва кӯшиши худро барои баланд бардоштани мақому манзалати зан-модар дар ҷомеа сафарбар намуда истодааст.
«Маданияти ҳар як миллатро аз муносибати он нисбат ба зан муайян мекунанд. Дар таърихи ташаккул ва рушди тамадуни мо муносибат ба зан , эҳтиром ва гиромидошти рисолати занон дар оила ва ҷомеа меъёри муҳими ахлоқӣ арзёбӣ мегардад. Имрӯз Тоҷикистон дар марҳилае қарор дорад, ки ҳамаи соҳаҳои зиндагии ҷомеа инкишоф ёфта истодаанд. Занон нигоҳдорандаи чароғи хираду маърифат ва ахлоқу маънавиёт дар оила ва ҷомеа ба ҳисоб мераванд»,- илова намуд М.Ҷаборрӣ.
Хотиррасон мекунем, ки дар кори конфронс инчунин муовини раиси Маҷлиси намояндагони Маҷлиси Олии ҶТ Юсуфӣ Хайриниссо, раиси Кумитаи кор бо занон ва оила Махфират Хидирзода, раиси Кумитаи забон ва истилоҳот Гавҳар Шарофзода ва дигар занони фаъол ширкат доранд.
Дар конфронс маърӯзаҳо таҳти унвони “Занон нигоҳдорандаи забони модарӣ”, “Нақши Пешвои миллат дар таҳкими мавқеи занон”, “Сарвари давлат пуштибони занон”, “Никоҳҳои хешутаборӣ: пайомадҳо ва таъсири он ба солимии ҷомеа” шунида мешаванд.








Дар Пекин масъалаҳои рушди қонунгузорӣ ва таҷрибаи муосири давлатдорӣ баррасӣ гардиданд
Дар Москва ҷаласаи 11-уми Алянси Авруосиёии омбудсменҳо баргузор гардид
Бахшида ба Рӯзи Президент дар вилояти Суғд роҳпаймоии идона баргузор шуд
Ҳамкории ҳуқуқии Тоҷикистону Чин дар Пекин баррасӣ гардид
Рӯзи Президентро дар ноҳияи Ёвон бо баргузории чорабиниҳои гуногун таҷлил намуданд
Ба муносибати Рӯзи Президент ва Иҷлосияи XVI Шурои Олӣ дар бинои Ҳукумати Ҷумҳурии Тоҷикистон ҷамъомад баргузор шуд
Дар мавзуи «Низоми идоракунии президентӣ ва таъмини амнияти давлатӣ» ҳамоиши илмӣ-амалӣ доир шуд
Дар мақомоти Ваколатдор оид ба ҳуқуқи инсон бахшида ба Рӯзи Президенти Тоҷикистон ҳамоиш баргузор шуд
СИЁСАТИ ХОРИҶИИ ТОҶИКИСТОН – НАМУНАИ ДИПЛОМАТИЯИ МУТАВОЗИНУ СОЗАНДА. Эҳдо ба Рӯзи Президенти Ҷумҳурии Тоҷикистон
Дар Душанбе таҳти унвони «Президент — симои миллат ва рамзи давлат» ҳамоиши ҷумҳуриявӣ доир шуд
РӮЗИ ПРЕЗИДЕНТ ВА ТАҶАССУМИ ИРОДАИ ТАЪРИХИИ МИЛЛАТ ДАР БУНЁДИ ДАВЛАТДОРИИ НАВИН. Мулоҳизаҳои академик Фарҳод Раҳимӣ
ИҶЛОСИЯИ XVI – ЗАМИНАИ ТАЪРИХИИ ТАҲКИМИ ДАВЛАТДОРӢ, ҚОНУНИЯТ ВА АДОЛАТИ СУДӢ. Андешаҳо дар ин маврид






