М. Шарипов: ДДТТ ҳамасола донишҷӯёнро барои таҳсил дар магистратура ба хориҷа сафарбар менамояд

Душанбе, 13.01.2016. (АМИТ «Ховар»). -«Донишгоҳ ба тарбияи мутахассисони зинаҳои магистратура, аспирантура ва докторантура диққати ҷиддӣ медиҳад ва донишҷӯёне, ки зинаи бакалаврро хатм мекунанд, беҳтарини онҳоро барои таҳсил ба магистратура дар кишварҳои хориҷӣ сафарбар менамояд»,-иброз намуд Мӯмин Шарипов, ректори Донишгоҳи давлатии тиҷоратии Тоҷикистон имрӯз зимни нишасти матбуотии ин ниҳод.
Ҳамчунин ба гуфтаи Мӯмин Шарипов ҳамасола аз тарафи донишгоҳ 3-4 донишҷӯ барои таҳсил ба хориҷа фиристода мешаванд ва соли 2015 3 донишҷӯ барои таҳсил дар зинаи магистратура ба хориҷа сафарбар шудаанд ва тамоми хароҷоте, ки дар давоми таҳсил сарф мешавад, аз ҳисоби донишгоҳ пардохт мегардад.