Мулоқоти сафири Тоҷикистон бо намояндагони ширкати “Митсубиши”

Душанбе, 11.01.2016 (АМИТ “Ховар”).- 6 январи соли 2016 вохӯрии Сафири фавқулодда ва мухтори Ҷумҳурии Тоҷикистон дар Япония Ҳамрохон Зарифӣ бо муовини мудири генералии Раёсати рушди тиҷоратии Ширкати “Митсубиши” Ҳироказу Сайто ва мудири Раёсати рушди тиҷоратии ширкати мазкур Тору Ясуда баргузор гардид.
Зимни мулоқот дурнамои ҳамкории Тоҷикистон бо ширкати “Митсубиши” баррасӣ шуд.
Сафири Тоҷикистон дар ҷараёни суҳбат оид ба иқтидори васеи ҳамкорӣ дар самти ба роҳ мондани корҳои геологию ҷустуҷӯӣ, истихроҷ ва коркарди маъданҳои кӯҳӣ, истеҳсол ва коркарду содироти маҳсулот маълумоти мушаххас дод.
Ҳамчунин масъалаҳо вобаста ба иштироки ширкати мазкур дар лоиҳаҳои муштараки ояндадор муҳокима шуданд.