Мусодираи шаш адад тангаи тиллоӣ

Душанбе, 22.01.2016. (АМИТ “Ховар”).-21 январи соли равон ҳангоми гузаронидани чорабиниҳои фаврӣ-ҷустуҷӯӣ аз ҷониби кормандони милитсия сокини 25-солаи ноҳияи Б. Ғафуров бо гумони даст доштан дар муомилоти ғайриқонунии металлҳои қиматбаҳо дастгир шуд. Дар вақти кофтукови шахсӣ аз гумонбаршуда 6 адад танга бо навиштаҷоти “10 рубл” дарёфт ва мусодира шуд. Тибқи маълумотномаи назорати давлатии иёргарӣ, тангаҳои мазкур ба намуди металлҳои тиллоӣ мансуб буда, вазнашон 51,49-граммро ташкил медиҳад.
Аз рӯи ин ҳодисаҳо парвандаи ҷиноятӣ оғоз гардида, тафтиш идома дорад.