Нақшаи пардохтҳои гумрукӣ дар кишвар иҷро нашуд, сабаб чист?

Январь 25, 2016 14:38

Душанбе, 25.01.2016.(АМИТ «Ховар»).-Роҳбарияти Хадамоти гумруки ҷумҳурӣ аз иҷро нагардидани нақшаи пардохтҳои гумрукӣ дар мамлакат 25 январ ба хабарнигорон иттилоъ дод. Зикр гардид, ки Хадамоти гумруки кишвар дар соли сипаригардидаи 2015 ба Буҷети давлатӣ 3 миллиарду 617,2 миллион сомонӣ пардохтҳои гумрукӣ ворид намуд, ки ин нисбат ба нақшаи пешбинишуда, 483,4 миллион сомонӣ кам буда, ба 88,2 % нақша баробар аст. Ҳол он ки нақшаи ҷамъоварии пардохтҳои гумрукӣ аз ҳисоби воридоти молу воситаҳои нақлиёт дар соли 2015-ум 4 миллиарду 1 00,6 миллион сомонӣ пешбинӣ шуда буд. Инчунин иҷрои нақшаи пардохтҳои гумрукӣ бе назардошти 50 фоизи маблағи хароҷоти гумрукӣ, ки барои нигоҳдории хадамот равона мегардад, 3 миллиарду 592,5 миллион сомонӣ ё 87,6 фоизи нақшаро ташкил дода, нисбат ба нақша 508,2 миллион сомонӣ кам мебошад.
Абдуфаттоҳи Ғоиб -сардори Хадамоти гумруки кишвар 25 январ зимни нишасти матбуотӣ иҷро нашудани нақшаи пардохтҳои гумрукиро дар коҳиши воридоти мол ва воситаҳои нақлиёт, ки ба шиддат ёфтани бӯҳрони молиявӣ ва муташанниҷ гардидани авзои сиёсӣ дар кишвари ҳамҷавор -Афғонистон ва дигар омилҳо иртибот дорад, арзёбӣ намуд.
Сардори Хадамоти гумруки ҷумҳурӣ афзуд, ки дар соли 2015 нисбат ба соли 2014 ба сарҳади гумрукии кишвар воридоти 10345 қатора ва 10152 мошин коҳиш ёфтааст. Абдуфаттоҳи Ғоиб афзуд, ки тибқи омори гумрукӣ дар соли сипаригардидаи 2015 нисбат ба соли 2014 воридоти молу воситаҳои нақлиёт аз тариқи сарҳади гумрукии Ҷумҳурии Тоҷикистон 863 миллион доллари амрикоӣ камтар сурат гирифтааст. Ва ба ҳисоби миёна пардохтҳои гумрукии он ба 1160,5 миллион сомонӣ ё 28,3 фоизи нақша баробар аст.

Январь 25, 2016 14:38

Хабарҳои дигари ин бахш

Душанбе мизбони конференсияи миллӣ ва Намоишгоҳи технологияҳои рақамӣ дар соҳаи кишоварзӣ мегардад
Тоҷикистон ва Озарбойҷон ҳамкориро дар соҳаи ҳифзи муҳити зист тақвият медиҳанд
Дар Душанбе ҷаласаи 45-уми пленарии ГАО оғоз шуд
Раванди татбиқи низоми электронии сертификатсияи фитосанитарӣ дар Тоҷикистон баррасӣ гардид
Ҳамкории Палатаи ҳисоби Тоҷикистон ва Додгоҳи ҳисоби Туркия густариш меёбад
«ПАРДОХТИ ЯГОНАИ КОММУНАЛӢ». Низоми нав пардохтро барои сокинон осонтар, равшантар ва шаффофтар мегардонад
Ҳаҷми истеҳсоли маҳсулоти кишоварзӣ дар Хатлон ба 42,5 миллиард сомонӣ баробар шуд
Тоҷикистон ният дорад то соли 2035 партовҳои газҳои гулхонаиро то 40 фоиз коҳиш диҳад
Рӯзи Президенти Тоҷикистон яке аз санаҳои муҳими тақвими сиёсию фарҳангии ҷумҳурӣ ба шумор меравад
Дар Фурудгоҳи байналмилалии Душанбе ба дастовардҳои даврони соҳибистиқлолии Тоҷикистон арҷ мегузоранд
АЗ СОЛИ БАЙНАЛМИЛАЛИИ ОБИ ТОЗА ТО РӮЗИ БАЙНАЛМИЛАЛИИ ЗЕҲНИ СУНЪИИ БЕХАТАР, ҲИФЗШУДА ВА БОЭЪТИМОД. Андешаҳо дар ин маврид
Зеҳни сунъӣ ба яке аз технологияҳои серталабтарини асри рақамӣ аз лиҳози истеъмоли неруи барқ табдил меёбад