Намоиши аксҳои Аза Қаноат дар шаҳри Душанбе

Душанбе, 27.01.2016 (АМИТ «Ховар»). — 26 январ дар шаҳри Душанбе намоиши аксҳои ҳамдиёрамон Аза Қаноат бо номи «Одамон ва лӯхтакҳо»доир шуд.
Иштирокдорони маҳфил бо корҳои А. Қаноат, ки имрӯз дар тамоми ҷаҳон машҳуранд, шинос гаштанд. «Ин санъати беназир, нотакрор ва қадимӣ мебошад, ки дар асоси хотироти шахсони бузургвор бунёд мегардад. Ҳар як лӯхтак мустақил буда, дорои симои худ, хислати худ ва муҳимтар аз ҳама, қалби худ мебошад. Намоиши имрӯза — ин танҳо оғози лоиҳаи калон аст, ки идома меёбад ва бо симоҳои нотакрори худ ҳамаро хушҳол месозад», зикр кард В.Курнушко.
Дар ҷараёни намоиш зикр шуд, ки 15 март аз ҷониби А.Қаноат дар Маркази илм ва фарҳанги Русия дар Душанбе намоиши калони лӯхтакҳои дастисоз, бо номи «Афсонаи солинавӣ» баргузор мегардад. Дар ифтитоҳи намоиши аксҳо роҳбари намояндагии ҳамкории Русия дар Тоҷикистон Владислав Курнушко, ҳамсари сафири Русия дар Тоҷикистон Елена Лякина Фролова, роҳбари маркази фарҳангии «Бактрия» Амалхонум Гаҷиева, ҳамчунин зиёиёни эҷодкор ва хабарнигорон иштирок карданд.