Р. Раҳмоналӣ: “Марзбонони тоҷик аз уҳдаи ҳифзи сарҳади давлатӣ баромада метавонанд“

Январь 27, 2016 14:38

Душанбе, 27.01.2016.(АМИТ „Ховар“).- „Марзбонони тоҷик дар ҳамкорӣ бо дигар ҷузъу томҳои сохторҳои қудратии кишвар аз уҳдаи ҳимояи сарҳади давлатӣ баромада метавонанд“. Ин матлабро Раҷабалӣ Раҳмоналӣ- муовини якуми раиси Кумитаи давлатии амнияти миллии Ҷумҳурии Тоҷикистон /КДАМ/, сардори Сарраёсати қӯшунҳои сарҳадӣ, фармондеҳи қӯшунҳои сарҳадии КДАМ Ҷумҳурии Тоҷикистон дар Парлумони кишвар зикр кард.
Раҷабалӣ Раҳмоналӣ дар посух ба саволи вакили Маҷлиси намояндагон Абдуҳалим Ғаффоров дар иртибот ба вазъи сарҳади давлатии Ҷумҳурии Тоҷикистон бо Ҷумҳурии Исломии Афғонистон зикр кард, ки вазъи сарҳади давлатии Ҷумҳурии Тоҷикистон бо Ҷумҳурии Исломии Афғонистон ташвишовар аст. Қисми зиёди минтақаҳои вилоятҳои Афғонистон, ки бо кишвари мо ҳамсарҳад ҳастанд, ба мисли Тахор, Қундуз ва Бадахшон зери назорати гурӯҳҳои террористӣ, хусусан “Толибон“ қарор доранд. Аз ин рӯ, дар самти таҳкими сарҳади давлатӣ вобаста ба вазъи кунунӣ гурӯҳҳои иктишофии /разведкавии/ махсусро таъсис додем,- таъкид кард сардори Сарраёсати қӯшунҳои сарҳадии КДАМ-и кишвар.
Ҳамзамон Раҷабалӣ Раҳмоналӣ зикр намуд, ки бо назардошти вазъи сиёсии ҷаҳони муосир ҳамкорӣ бо дигар созмонҳо, бахусус Созмони аҳдномаи амнияти дастаҷамъӣ барои таҳкими сарҳади давлатӣ ба таври густурда ба роҳ монда, якчанд маротиба машқҳои ситодӣ дар худи хатти сарҳад гузаронида шуданд.
Мавриди зикр аст, ки охири ҳафтаи гузашта вакилони палатаи поёнии Парлумони Тоҷикистон ба лоиҳаи Қонуни Ҷумҳурии Тоҷикистон „Дар бораи Қӯшунҳои сарҳадии Кумитаи давлатии амнияти миллии Ҷумҳурии Тоҷикистон“ тағйирот ворид намуданд, ки ин тағйирот сохтори қӯшунҳои сарҳадиро дар таҳрири нав муқаррар менамояд.

Январь 27, 2016 14:38

Хабарҳои дигари ин бахш

Дар Маҷлиси намояндагон бахшида ба Рӯзи Ваҳдати миллӣ ҳамоиши идона доир гардид
Ҳайати Маҷлиси намояндагон дар Форуми 20-уми СММ оид ба идоракунии интернет иштирок дорад
Ваҳдати миллӣ арзишмандтарин бозёфт дар таърихи навини давлатдории миллати тоҷик мебошад
Барно Саидвализода: «Ваҳдати миллӣ – ин неъмати бузургу кафолати зиндагии шоистаро пойдор нигоҳ бидорем»
Ҷаласаи навбатии иҷлосияи якуми Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор шуд
Дар Маҷлиси намояндагон масъалаи обу иқлим ва ҳифзи пиряхҳо баррасӣ шуд
Ваҳдати миллӣ ва рушди парламентаризм дар Тоҷикистон яке аз дастовардҳои муҳими даврони соҳибистиқлолӣ ба шумор меравад
ПЕШВОИ ВАҲДАТОФАР. Ва ё ваҳдате, ки бо шарофати он давлатдории миллии тоҷикон дубора эҳё гардид
Густариши робитаҳои байнипарлумонии Тоҷикистон ва Британияи Кабир баррасӣ гардид
Дар Лондон мулоқоти ҳайатҳои парламентии Тоҷикистон ва Британияи Кабир баргузор мешавад
Имрӯз ҷаласаи навбатии иҷлосияи якуми Маҷлиси намояндагони Маҷлиси Олӣ, даъвати ҳафтум баргузор шуд
Ҷаласаи навбатии иҷлосияи якуми Маҷлиси намояндагони Маҷлиси Олӣ, даъвати ҳафтум баргузор гардид