Рисолаи илмии 81 олими хориҷӣ дар Тоҷикистон ҳимоя шудааст

Душанбе, 13.01.2016. (АМИТ «Ховар»). -Соли 2015 дар шӯроҳои диссертатсионии Тоҷикистон 38 рисолаи докторӣ ва беш аз сесад рисолаи номзадии олимони соҳаи физикаву математика, химия, тиб, филология, таърихшиносӣ, ҳуқуқшиносӣ, фалсафа, сиёсатшиносӣ, педагогӣ ва иқтисодӣ мавриди муҳокима қарор дода шуданд. Тибқи иттилои Академияи илмҳо аз шумораи умумии дифоъкардагон 81 нафар шаҳрвандони хориҷӣ мебошанд. Аз ҷумла, 61 шаҳрванди Ҷумҳурии Исломии Эрон, 1 шаҳрванди Ҷумҳурии Ироқ, 4 шаҳрванди Федератсияи Русия, 5 шаҳрванди Ҷумҳурии Қазоқистон, 3 шаҳрванди Ҷумҳурии Қирғизистон, 2 шаҳрванди Ҷумҳурии Туркия ва 4 шаҳрванди Ҷумҳурии Исломии Афғонистон рисолаҳои номзадии худро дар Тоҷикистон ҳимоя кардаанд.
Бояд гуфт. дар мамлакат ба ҳисоби умумӣ 23 Шӯрои диссертатсионӣ фаъолият мекунанд, ки дар онҳо аз рӯи 37 ихтисос корҳои илмӣ дифоъ мешаванд. Олимони хориҷӣ низ имкон доранд ба ин шӯроҳои диссертатсионӣ тадқиқоти илмии худро пешниҳод кунанд.