Сафорати ИМА машқҳо барои таъмини амниятро бо мақомоти ҳифзи ҳуқуқи Тоҷикистон мегузаронад

Душанбе, 25.01.2016 (АМИТ «Ховар»).- 23 январ Сафорати ИМА дар ш. Душанбе ва Вазорати корҳои дохилӣ барои таъмини тадбирҳои амниятӣ дар сафорат машқҳоро гузаронид. Машқҳои мазкур авҷи давраи омӯзишие шуданд, ки аз ҷониби Идораи амнияти минтақавии Сафорати ИМА барои баланд бардоштани иқтидору омодагии қувваҳои таъйиноти махсуси вазорат ба ҳолатҳои фавқулодда маблағгузорӣ шуданд. Давраи омӯзишии мазкур аз мавзӯъҳои истифодаи асосноки қувва, усулҳои дастгир кардан, ҳаракатҳои тактикӣ, таъмини алоқа ва расондани ёрии аввалини тиббии таъҷилӣ иборат буд. Сафорати ИМА дар соли 2016 бо мақомоти ҳифзи ҳуқуқи Тоҷикистон барои гузарондани якчанд давраи омӯзишӣ ҳамкорӣ хоҳад кард.