“Тоҷикстандарт”: Гирифтани 2123 адад маҳсулоти қалбакӣ аз муомилот

Душанбе, 16.01.2016. (АМИТ «Ховар»).- Дар давраи соли 2015 аз тарафи Агентии стандартизатсия, метрология, сертификатсия ва нозироти савдои назди Ҳукумати Ҷумҳурии Тоҷикистон ба миқдори 6000 дона борҷома бо тамғаи молии ҶСК “Ширин” бо номгўи “Сумая” барои маҳсулоти нонӣ, ки аз тарафи соҳибкори инфиродӣ Расулова ғайриқонунӣ истифода шудааст, аз муомилот гирифта шуд. Ҳамзамон тибқи дархости ҶДММ “Ёзон тоҷ” аз бозори истеъмолии шаҳри Душанбе 437 дона хамиртуруши қалбакӣ ошкор ва аз муомилот гирифта шуд.
Дар асоси дархости ҶДММ “Xenkel Bautechnic Kazakhstan» оид ба истифодаи тамғаи молии ин ширкат дар ширешҳои тамғаи “Момент” корҳои санҷишӣ ва назоратӣ гузаронида шуда, 2123 адад маҳсулоти қалбакӣ аз муомилот гирифта шуд.