62 миллиону 117 ҳазор сомонӣ маблағҳои ҳаққи суғуртавӣ дар соли 2015
![](https://khovar.tj/wp-content/uploads/2016/02/DSC_9510.jpg)
Душанбе, 09.02.2016 (АМИТ «Ховар»).- «Соли 2015 мувофиқи маълумоти муҳосибӣ 62 миллиону 117 ҳазор сомонӣ маблағҳои ҳаққи суғуртавӣ ворид гардид, ки ҳиссаи он дар бозори суғуртаи ҷумҳурӣ 53 фоизро ташкил дода, нақшаи пешбинишуда дар умум 117 фоиз ва аз ҳисоби суғуртаи ҳатмӣ 38 миллиону 377 ҳазор сомонӣ ва аз ҳисоби суғуртаи намудҳои ихтиёрӣ 23 миллиону 740 ҳазор сомонӣ маблағ ворид гардид»,- гуфт имрӯз зимни нишасти матбуотӣ директори генералии КВД «Тоҷиксуғурта» Аловидин Сатторӣ.
Ҳамчунин ба иттилои Аловидин Сатторӣ афзоиши воридоти ҳаққи суғурта асосан аз ҳисоби суғуртаи амволи шахсони ҳуқуқӣ 1 миллиону 692 ҳазор сомонӣ, суғуртаи ҳаёт 588 ҳазор сомонӣ, суғуртаи ихтиёрии ҳодисаҳои нохуш 128 ҳазор сомонӣ, суғуртаи ҳатмии ҳодисаҳои нохуш 57 ҳазор сомонӣ ва суғуртаи амволи шаҳрвандон 78 ҳазор сомонӣ зиёд ворид гардидааст.