Афсарону сарбозон рисолати фарзандии худро бо сарбаландӣ адо мекунанд

Февраль 20, 2016 08:49

Душанбе, 20.02.2016. (АМИТ «Ховар»).-«Афсарону сарбозони далери Қувваҳои Мусаллаҳи кишвар ба савганди ҳарбӣ ҳамеша содиқ монда, рисолати фарзандии худро дар назди Ватан–модар ва халқу давлати хеш бо сарбаландӣ адо мекунанд ва тамоми донишу таҷриба, малакаву маҳорати худро ба хотири ҳифзи дастовардҳои истиқлоли давлатии Тоҷикистони азиз сафарбар месозанд. Ҷавонони муассисаи таълимиро мебояд аз ин далерию шуҷоат дарси ибрат гиранд, чунки суботу оромии кишвар ва ҳимояи марзу буми сарзамини аҷдодӣ аз ҷавонони чолоку ҳушёр вобастагии зиёд дорад»,-гуфт директори муассисаи таҳсилоти миёнаи умумии №1-и ноҳияи Исмоили Сомонӣ Ҳусейнзода Шавкат зимни баргузории чорабинӣ бахшида ба таъсиси Қувваҳои Мусаллаҳи Тоҷикистон.
Дар ҷамъомади тантанавӣ, ки бо иштироки 12 афсару сарбози Қувваҳои Мусаллаҳи кишвар ҷараён гирифт, хонандагони ин муассисаи таълимӣ барномаи фарҳангӣ, ки иборат аз суруд дар васфи Ватан, Модар ва саҳначаҳои ҷолиб аз ҳаёти афсарон буд, бо маҳорати баланд пешкаш карданд.
Меҳмонон, ки намояндагони вазоратҳои мудофиа, маориф ва илм, Кумитаи кор бо ҷанговарони башардӯст, Комиссариати ҳарбӣ ва ҲХДТ буданд, аз ҷасорату мардонагии садҳо нафар афсарону сарбозони Қувваҳои Мусаллаҳи Тоҷикистон дар тайи 23 сол ёдовар шуданд.
Дар ниҳоят чорабинии варзишӣ низ баргузор гардид, ки афсарону сарбозон ба мактаббачагон тартиби истифодаи яроқро нишон доданд.

Февраль 20, 2016 08:49

Хабарҳои дигари ин бахш

Имрӯз дар водиҳои Тоҷикистон ҳаво то 37 дараҷа гарм мешавад
Дар пиряхҳои Помири Шарқӣ ва Марказӣ таҳқиқоти илмӣ-саҳроӣ гузаронида шуд
Имрӯз дар ноҳияҳои кӯҳии Тоҷикистон эҳтимол раъду барқ ба амал ояд
«АБАРМАРДИ ТАЪРИХСОЗ». Китоби академик Фарҳод Раҳимӣ доир ба корнамоиҳои беназири Президенти Тоҷикистон ба нашр расид
Имрӯз дар шаҳри Душанбе ҳаво то 38 дараҷа гарм мешавад
Доир ба мактаби сиёсию давлатдории Пешвои миллат китоб ба нашр расид
Имрӯз дар ноҳияҳои кӯҳии Тоҷикистон ҳаво то 33 дараҷа гарм мешавад
Бо донишҷӯёни ғолиби Стипендияи байналмилалии Президенти Ҷумҳурии Тоҷикистон «Дурахшандагон» вохӯрӣ доир гардид
Сокинони ноҳияи Рашт туҳфаи Пешвои миллат — «Шоҳнома»-и безаволро дастрас намуданд
Толорҳои алоқа дар Тоҷикистон бештар мегарданд
Имрӯз дар водиҳои Тоҷикистон ҳаво то 39 дараҷа гарм мешавад
Дар Панҷакент оид ба омодагии ҷавонон ба хизмати ҳарбӣ машварат баргузор шуд