Ҷамъомад вобаста ба омӯзиши Паёми солона ва сабабҳои ворид намудани тағйиру иловаҳо ба Конститутсия

Душанбе, 16.02.2016. (АМИТ «Ховар»). — Дар Агентии назорати давлатии молиявӣ ва мубориза бо коррупсияи Ҷумҳурии Тоҷикистон вобаста ба омӯзиши Паёми солонаи Асосгузори сулҳу Ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон ва оид ба моҳияту сабабҳои ворид намудани тағйиру иловаҳо ба Конститутсия ҷамъомад доир гардид.
Дар ҷамъомад раиси Кумитаи Маҷлиси намояндагон оид ба тартиботи ҳуқуқӣ, мудофиа ва амният Маҷидзода Ҷӯрахон Зоир сухан гуфт, ки зимни он муовинони директори Агентии назорати давлатии молиявӣ ва мубориза бо коррупсияи Ҷумҳурии Тоҷикистон, ҳайати роҳбарикунанда ва кормандони дастгоҳи марказии агентӣ ширкат варзиданд.
Ҷӯрахон Зоир ва нотиқони дигар зимни андешаронӣ оид ба муҳтавои бандҳои алоҳидаи Паёми Сарвари давлат дар мавриди пешгирии коррупсия, ҷинояткорӣ, таъмини волоияти қонун ва ҳифзи амнияти миллӣ ибрози назар намуда, ҳуҷҷати раҳнамунсозро барои пойдории давлат ва устувории ҷамъияту шукуфоии ватани маҳбуб муассир хонданд.
Вобаста ба моҳияту сабабҳои ворид намудани тағйиру иловаҳо ба Конститутсия шарҳи муфассал ироа шуда, ба саволҳои иштирокдорон ҷавобҳои мушаххас дода шуд.
Дар баробари ин ба роҳбарони воҳидҳои сохтории агентӣ дастур дода шуд, ки оид ба зарурати такмил додани Конститутсия зимни вохӯрию машваратҳо корҳои фармондадиҳиро ҷоннок намоянд.
Дар ин бора аз Маркази матбуотии Агентии назорати давлатии молиявӣ ва мубориза бо коррупсияи Ҷумҳурии Тоҷикистон хабар доданд.