Баргузории Конфронси илмӣ-амалии «Нақши занон дар рушди илм»
Душанбе, 16.02.2016 (АМИТ «Ховар»).- Чанд рӯз пеш бахшида ба Рӯзи байналмилалии занон ва духтарон дар илм дар Донишгоҳи давлатии шаҳри Қурғонтеппа ба номи Н.Хусрав конфронси илмӣ-амалии «Нақши занон дар рушди илм» доир гардид. Махфират Хидирзода, муовини раиси вилояти Хатлон дар ҷамъомади илмии занон дар вилоят аз набудани докторони илм аз ҳисоби занон изҳори нигаронӣ карда, ҳамчунин зикр намуд, ки аз байни занону духтарон гирандагони стипендияҳои фахрӣ, идрорпулии раиси вилояти Хатлон барои донишҷӯдухтарон ва занони дорои унвони илмӣ хеле кам мебошанд. Дар 5 муассисаи таҳсилоти олии касбии вилоят занон низ чун омӯзгору муҳаққиқ фаъолият доранд. Аз 778 нафар номзади илм, дотсентон ва профессорони мактабҳои олии вилоят 178 нафарашонро занон ташкил медиҳанд. Мо бояд бо ин нишондод қаноатманд нашуда, саҳми занонро дар рушди илм беҳтар намоем.
-Ба таҳсили духтарон аз зинаи мактаби таҳсилоти миёнаи умумӣ оғоз карда, то бакалавру магистратура, аспирантура ва докторантура диққат дода, теъдоди бонувони муҳаққиқро зиёд намоем, чунки Асосгузори сулҳу Ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҳамеша нисбат ба донишомӯзии духтарону занон таваҷҷуҳи хосса зоҳир намуда, барои онҳо квотаи президентию идрорпулиҳо ҷудо кардааст, — афзуд М. Хидирзода, муовини раиси вилояти Хатлон, номзади илмҳои сиёсатшиносӣ ва доктори илмҳои фалсафа.
Дар конфронс М. Шодиев, ректори Донишгоҳи давлатии шаҳри Қурғонтеппа иттилоъ дод, ки 40 дарсади ҳайати устодони донишгоҳро занон ташкил медиҳанд. «Агар то замони истиқлол дар Донишгоҳи Қурғонтеппа ҳамагӣ 2 зан дараҷаи илмӣ дошт, имрӯз шумораи онҳо ба 23 нафар расидааст.
Танҳо дар соли 2015 аз ҳисоби бонувон 5 нафар рисолаи номзадӣ ҳимоя кард.
ТАЪТИЛРО БОСАМАР ГУЗАРОНЕМ! Таҳти ин шиор Донишгоҳи байналмилалии забонҳои хориҷии Тоҷикистон озмуни китобхонии фосилавиро эълон намуд
Ваколатдор оид ба ҳуқуқи инсон ҷиҳати баланд бардоштани маърифати ҳуқуқии шаҳрвандон 46 машварати сайёри ҳуқуқӣ гузаронид
Пагоҳ дар Агентии хизмати давлатӣ, Хадамоти назорати давлатии бехатарии корҳо дар саноат ва соҳаи кӯҳкорӣ, Академияи идоракунии давлатӣ ва Саридораи геология нишасти матбуотӣ баргузор мегардад
Вазорати энергетика: «Воридот ва нархи гази моеъ таҳти назорати мақомоти ваколатдори соҳа қарор дорад»
«ФАЙЗИ ИСТИҚЛОЛ». Дар басти сеюми ин лагер 410 кӯдаку наврас ба истироҳат фаро гирифта шуд
Суҳбат дар баландӣ. Сокинони ВМКБ бо топ-менеҷерони ширкати «МегаФон Тоҷикистон» мулоқот намуданд
Дар Кӯлоб вобаста ба саҳми шуроҳои ҷамъиятӣ дар амалишавии ислоҳоти милитсия ҳамоиш баргузор шуд
Имрӯз дар Тоҷикистон ҳавои тағйирёбанда пешгӯӣ шудааст
Бо иқдоми соҳибкорони ватанӣ заминҳои кишоварзии ноҳияи Деваштич обёрӣ гардиданд
Таътили тобистонаи хонандагон дар истироҳатгоҳи омӯзишии «Истиқлол»-и назди Донишгоҳи давлатии Кӯлоб бофароғат мегузарад
