Баррасии китобҳои Сайфиддин Назарзода дар КМТ

Душанбе, 10.02.2016 (АМИТ «Ховар»).- Имрӯз дар Китобхонаи миллии Тоҷикистон бо иштироки меҳмонон ва профессорони соҳаи забоншиносӣ маҳфили рӯнамоии китобҳои профессор Сайфиддин Назарзода, аз ҷумла «Истилоҳоти забони тоҷикӣ: таърих, гароиш ва дурнамо», «Забон ва бедории миллӣ» ва «Имло ва забони адабӣ» баргузор гардид.
Дар маҳфил муовини раиси Кумитаи забон ва истилоҳоти назди Ҳукумати Ҷумҳурии Тоҷикистон Саодатшоҳ Матробиён ва устоди Донишгоҳи миллии Тоҷикистон Баҳриддин Камолиддинов иброз доштанд, ки саҳми Сайфиддин Назарзода дар соҳаи илми забон назаррас буда, китобҳои таълифнамудаи ӯ падидаи хуб дар ин соҳа мебошанд, зеро имрӯз илми забоншиносии тоҷик ниёз ба чунин китобҳо дорад.