Дар Шуғнон як қочоқчии маводи нашъаовар дастгир гардид
Душанбе, 19.02.2016. (АМИТ «Ховар»). — Дар асоси нақшаи чорабиниҳо байни мақомоти ҳифзи ҳуқуқи Вилояти Мухтори Кӯҳистони Бадахшон кормандони Раёсати Агентии назорати маводи нашъаовари назди Президенти ҶТ дар вилояти Бадахшон дар якҷоягӣ бо хизматчиёни ҳарбии отряди сарҳадии “Хоруғ”-и Сарраёсати қӯшунҳои сарҳадии КДАМ ҶТ тибқи маълумоти фаврӣ дар наздикии деҳаи Ёмчи ноҳияи Шуғнон ҳангоми кӯшиши убури сарҳади давлатӣ як сокини деҳаи Шидвучи улусволии Шуғнони вилояти Бадахшони Ҷумҳурии Исломии Афғонистонро дастгир намуданд. Ҳангоми кофтукови шахсӣ аз номбурда як халтаи полиэтилении рангаш кабуд, ки дар дохилаш моддаи хокамонанди сабзчатоби кулӯлашакли дорои бӯи махсус мавҷуд буд, дарёфт ва мусодира гардид.
Мутобиқи маълумотномаи озмоишгоҳи ташхиси судии Раёсати агентӣ дар ВМКБ маводи мусодирашуда ба моддаи нашъаовари навъи ҳашиш тааллуқ дошта, вазни холиси он 1 кг 103 граммро ташкил медиҳад. Инчунин ҳангоми азназаргузаронии ҷои ҳодиса аз соҳили дарёи Панҷ як камераи мошини боркаши калон бо чор бочкаи пластмасии рангашон зарди 20 литра ва як белчаи чӯбин дарёфт гардид.
Аз рӯи ин ҳодиса парвандаи ҷиноӣ оғоз гардида, тафтиш давом дорад.
Инчунин аз тарафи кормандони шуъбаи агентӣ дар ноҳияи Мурғоб дар ҷамоати Рангкӯл як силоҳи оташфишон мусодира гардид.
ИСТИФОДАИ САМАРАНОКИ ЗАМИН. Сокини Ҷамоати деҳоти Деҳқонободи ноҳияи Дӯстӣ аз як замин се навъи маҳсулот ҷамъоварӣ мекунад
Дар Тоҷикистон мусобиқаи «МегаФон Life дар сабки футбол» анҷом ёфт
Имрӯз дар шаҳри Душанбе ҳаво то 39 дараҷа гарм мешавад
Имрӯз дар доманакӯҳҳои Тоҷикистон ҳаво то 36 дараҷа гарм мешавад
Имрӯз дар водиҳои Тоҷикистон ҳаво то 39 дараҷа гарм мешавад
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикии Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
