Хуҷанд: Вусъати корҳои ободонӣ
Душанбе, 22.02.2016 (АМИТ «Ховар»).-Дар шаҳри Хуҷанд корҳои ободонию сабзазоркунӣ бахшида ба истиқболи 25-солагии ҷашни Истиқлолияти давлатии Ҷумҳурии Тоҷикистон ва эълони «300 рӯзи ободонӣ» бо маром вусъат мегирад ва баргузории намоиш-фурӯши гулу растанӣ, буттаҳои ороишӣ, ниҳолу дарахтони сояафкан ва мевадиҳанда ба ҳукми анъана даромадааст. Ҳафтаи гузашта дар майдони назди Театри мазҳакавӣ- мусиқии ба номи К. Хуҷандии шаҳр намоиш-фурӯши гулу ниҳол баргузор гардид.
Раиси вилояти Суғд Абдураҳмон Қодирӣ ва раиси шаҳри Хуҷанд Раҷаббой Аҳмадзода аз ин намоиш-фурӯш дидан намуда, бо кормандони соҳаи гулпарвариву деҳқонон ва мутахассисон-агротехнологҳо, ки аз тамоми шаҳру ноҳияҳои вилоят ҷамъ омада буданд, суҳбат намуданд.
Бо истифода аз имконият наздики 20 ҳазор шаҳрванд, кормандони ташкилоту муассисаҳои мухталиф ва ҷавонону варзишгарон, ки дар шанбегии умумишаҳрӣ иштирок доштанд, ҳамчунин дар маъракаи гулу ниҳолшинонӣ ширкат намуда, саҳми худро барои сабзу хуррам гардонидани шаҳр гузоштанд.
Сокинон аз намоиш-фурӯши гулу ниҳол беш аз 10 ҳазор дарахти мевадор харида, дар манзилу коргоҳҳои худ шинонданд.
Дар баробари ин аз ҷониби кормандони идораю ташкилот ва коргоҳҳои зертобеи Сарраёсати ободонӣ, хоҷагию манзилӣ ва коммуналии шаҳр наздик 2 ҳазор ниҳоли сояафкан ва беш аз 10 ҳазор қаламчаю буттаи гули садбарг шинонданд.
Имрӯз дар шаҳри Душанбе ҳаво то 20 дараҷа гарм мешавад
Дар Хуҷанд вобаста ба масъалаҳои мубрами маърифати ҳуқуқӣ дар шароити муосир конференсия баргузор гардид
Дар шаҳри Бӯстон ҷаласаи гурӯҳҳои кории ҳайатҳои ҳукуматии Тоҷикистон ва Қирғизистон баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Ба сокинони аз офати табиӣ зарардидаи ноҳияи Сангвор 17 манзили истиқоматӣ супорида шуд
COP29 бо қадамҳои муҳим дар самти мубориза бо тағйирёбии иқлим ва лоиҳаи нави маблағгузорӣ ба анҷом расид
Мактаб–интернати ҷумҳуриявии кӯдакони ятим ва Хона-интернати пиронсолон ва маъюбони ноҳияи Ёвон бо гармӣ таъмин мебошанд
«БЕҲТАРИН ҲАМСАР». Дар Тоҷикистон озмуни ҷумҳуриявӣ доир мешавад
Чӣ тавр ёварони овозӣ дар ҳолатҳои гуногуни зиндагӣ кумак мекунанд
Имрӯз дар баъзе ноҳияҳои Тоҷикистон туман мефарояд
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ баргузор шуд
