Иштироки санъаткорони тоҷик дар Фестивали байналмилалии фарҳангӣ дар Қатар
Душанбе, 19.02.2016 (АМИТ «Ховар»).- Аз 10 то 15 феврали соли равон дар шаҳри Доҳаи Давлати Қатар Фестивали байналмилалии фарҳангӣ таҳти васоияти ЮНЕСКО бо ҷалби беҳтарин гурӯҳҳои рақсии кишварҳои мухталифи ҷаҳон баргузор гардид. Дар ҳамоиши фарҳангӣ ҷониби Тоҷикистонро ҳунармандони Ансамбли рақсии «Базморо» ва дойрадасти шинохта Хайрулло Дадабоев таҳти роҳбарии сардори раёсати санъат Олимҷон Акрамов муаррифӣ намуданд.
Мавриди зикр аст, ки барномаи ҳунарии санъаткорони Тоҷикистонро, ки дар сатҳи баланди касбӣ омода гардида буд, ширкатдорони ин ҳамоиш бо хушнудии зиёд истиқбол намуданд. Силсилачорабиниҳои ҳамоиш дар яке аз майдонҳои зебои шаҳри Доҳа баргузор гардиданд ва тибқи барномаи фестивал ҷониби Тоҷикистон рӯзҳои 11-12 феврали соли равон баромад намуданд. Ҷараёни чорабинӣ, аз ҷумла барномаи ҳунарии Тоҷикистон тавассути воситаҳои ахбори умуми ин кишвар ба таври васеъ инъикос гардид.
Имрӯз дар ноҳияҳои алоҳидаи Тоҷикистон чангу ғубор ба амал меояд
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
БЕҲТАРИН СОДИРОТКУНАНДАИ ТОҶИКИСТОН. Агентии миллии иттилоотии Тоҷикистон «Ховар» ғолиби озмун гардид
Дар Душанбе Рӯзи Парчами давлатӣ дар сатҳи баланд таҷлил карда мешавад
20 октябр Рӯзи байналмилалии танзимгарони ҳаракати ҳавоӣ мебошад
