Мизи мудаввар: «Муқаддимаи арзёбии технологияи тандурустӣ, таҷрибаи байналхалкӣ» (ISPOR)

Душанбе, 12.02.2016. (АМИТ «Ховар»). — Дар Маркази захираҳои исботшудаи тиб (МЗИТ) ҷаласа ва мизи мудаввари идораи тоҷикистонии Ҷомеаи байналхалқӣ оид ба тадқиқоти илмӣ дар соҳаи фармакоэкономика — ISPOR дар мавзӯи «Муқаддимаи арзёбии технологияи тандурустӣ, таҷрибаи байналхалқӣ. Нақши Ҷомеаи байналхалқӣ оид ба тадқиқоти илмӣ дар соҳаи фармакоэкономика (ISPOR) дар ин самт» баргузор шуд.
Дар он намояндагони Вазорати тандурустӣ ва ҳифзи иҷтимоии аҳолии ҶТ, намояндагони кафедраи фармасевтӣ, шуъбаи илм ва инноватсияи ДДТТ, мутахассисони маркази ахборӣ оид ба маводи доруворӣ ва мутахассисони маркази захираҳои исботшудаи тиб иштирок намуданд.
Дар ҷаласа мавзӯъҳои «Муқаддимаи арзёбии технологияи тандурустӣ, таҷрибаи байналхалқӣ. Нақши Ҷомеаи байналхалқӣ оид ба тадқиқоти илмӣ дар соҳаи фармакоэкономика (ISPOR) дар ин самт», «Фаъолияти идораи тоҷикистонии Ҷомеаи байналхалқӣ оид ба тадқиқоти илмӣ дар соҳаи фармакоэкономика — ISPOR дар соли 2015», «Кор бо сомонаи ISPOR» мавриди баррасӣ дода шуданд.