Мулоқоти А. Абдуллозода бо донишҷӯён оид ба Паёми Пешвои миллат

Душанбе, 11.02.2016. (АМИТ «Ховар»). –Дар вохӯрии Аҳтам Абдуллозода, раиси Кумитаи ҷавонон, варзиш ва сайёҳӣ бо донишҷӯёни Донишгоҳи давлатии тиббии Тоҷикистон ба номи Абӯалӣ ибни Сино вобаста ба Паёми Асосгузори сулҳу Ваҳдати миллӣ,  Пешвои миллат, Президенти Ҷумҳурии Тоҷикистон Эмомалӣ Раҳмон ба Маҷлиси Олӣ сухан рафт ва он ҳуҷҷати муҳим арзёбӣ гардид.

Зикр шуд, ки ҷавонони саодатманду хушиқболи даврони истиқлол дар ҷавоб ба ғамхориву таваҷҷуҳ ва дастгириҳои доимии давлату Ҳукумати кишвар бояд илму донишҳои муосирро аз худ намуда, ақлу заковати зеҳнӣ ва зиракию ҳушёрии худро баланд бардоранд.

Ҳамзамон бо ташаббускориҳои наҷибу созанда барои расидан ба арзишҳои миллӣ саҳми арзандаи хешро гузоранд.