Мулоқоти Рамазон Раҳимзода бо Чэн Гопин
Душанбе, 29.02.2016 (АМИТ «Ховра»).-29-уми феврал вазири корҳои дохилӣ Рамазон Раҳимзода бо Комиссари махсус оид ба мубориза бо терроризм ва масъалаҳои бехатарии Ҷумҳурии Мардумии Чин Чэн Гопин мулоқот намуд.
Зимни вохӯрӣ масъалаҳои таҳким бахшидани ҳамкории якҷоя дар самти мубориза бар зидди терроризм, экстремизм, сепаратизм, мубодилаи таҷриба, табодули ахбор, омода намудани кадрҳои баландихтисос ва расонидани кумаки техникӣ мавриди баррасӣ қарор гирифтанд.
Ҳамзамон барои расонидани кумак дар сохтмони бинои нави Академияи Вазорати корҳои дохилии Ҷумҳурии Тоҷикистон ва сохтмони бинои Маркази муштараки зиддитеррористии Вазорати корҳои дохилии Ҷумҳурии Тоҷикистон ва Вазорати бехатарии ҷамъиятии Ҷумҳурии Мардумии Чин дар шаҳри Душанбе табодули афкор сурат гирифт.
Комиссари махсус оид ба мубориза бо терроризм ва масъалаҳои бехатарии Ҷумҳурии Мардумии Чин Чэн Гопин гуфт, ки бехатарии Тоҷикистон- ин бехатарии Чин мебошад ва мо омодаем дар самти мубориза бар зидди се зуҳуроти номатлуб: терроризм, экстремизм ва сепаратизм ҳамкориро боз ҳам тақвият бахшем.
Зикр гардид, ки Тоҷикистон дар сафи пеши мубориза бо зуҳуроти номатлуб қарор дорад ва ҷониби Чин дар ҳамаи соҳаҳо ҳамкорӣ намуда, кумаки худро хоҳад расонид.
Ошкор гардидани ҷинояти одамкушӣ
Нақшаи даъвати баҳории шаҳрвандон ба сафи Қувваҳои Мусаллаҳи Тоҷикистон 93,5 фоиз иҷро шуд
Ҷалби ноболиғон ба кирдорҳои зиддиҷамъиятӣ ҷавобгарии ҷиноятӣ дорад!
Дар Душанбе масоили таҳкими амният ва суботи Осиёи Марказӣ баррасӣ гардид
Дар Душанбе Форуми амниятии Осиёи Марказӣ оғоз гардид
Кибертерроризм — омилҳои таъсиррасон ва хатари он дар ҷаҳони муосир
Дар Душанбе Форуми амниятии Осиёи Марказӣ баргузор мешавад
Имрӯз дар Душанбе Вохӯрии сеюми котибони шуроҳои амнияти давлатҳои Осиёи Марказӣ баргузор гардид
Дар шаҳри Хоруғ даври вилоятии мусобиқаи «Ватанпарвар» баргузор гардид
«ШАҲРИ ҲУШМАНД». Дар Душанбе насби чароғакҳои замонавӣ оғоз гардид
Нақшаи даъвати баҳории шаҳрвандон ба сафи Қувваҳои Мусаллаҳи Тоҷикистон 89,1 фоиз иҷро шуд
Вазири корҳои дохилии Тоҷикистон дар Форуми байналмилалӣ доир ба мубориза бо маводи нашъаовар иштирок намуд
