Раванди афзоиши қарзҳои дарозмуддат идома дорад
Душанбе, 24.02.2015. (АМИТ «Ховар»).-Тавре ки аз маълумоти ҷамъбастии бонкӣ бармеояд, дар моҳи январи соли равон, ҳаҷми бақияи умумии қарзҳо дар қаламрави ҷумҳурӣ нисбат ба ҳамин давраи соли гузашта 21,8 фоиз афзуда, 12 061 млн. сомониро ташкил намуд. Аз ин маблағ 4 932,9 млн. сомонӣ ё 40,9 фоизро қарзҳои кӯтоҳмуддат ва 7 128,1 млн. сомонӣ ё 59,1 фоизро қарзҳои дарозмуддат ташкил медиҳанд. Дар баробари ин, ҳаҷми қарзҳои додашуда назар ба аввали моҳи соли қаблӣ 631 млн. сомонӣ афзуд.
Тибқи маълумоти оморӣ фоизҳои миёнавазни қарзҳо дар моҳи январи соли равон бо пули миллӣ 24,70 фоизи солона ва бо асъори хориҷӣ 20,19 фоизи солонаро ташкил намуд. Фоизи қарзҳои бо асъори хориҷӣ додашуда нисбат ба моҳи январи соли гузашта 3,5 банди фоизӣ паст шуд.
Бино ба иттилои хадамоти матбуоти БМТ, ҳаҷми қарзҳои хурди додашуда дар моҳи январ нисбат ба ҳамин давраи соли 2015 ба андозаи 7,5 фоиз зиёд шудааст. Аз ҷумла, 91 млн. сомонӣ ба ноҳияҳои дурдасти кӯҳистон қарзҳои хурд дода шудаанд, ки афзоиши он нисбат ба январи соли гузашта 2,7 фоизро ташкил медиҳад.
Волейбол дар Вилояти Мухтори Кӯҳистони Бадахшон аз ҷиҳати тиҷоратӣ дастгирӣ ёфт
4 август дар Кумитаи ҳолатҳои фавқулода ва мудофиаи гражданӣ, Агентии инноватсия ва технологияҳои рақамӣ, Хадамоти зиддиинҳисорӣ ва Ваколатдор оид ба ҳуқуқи инсон нишасти матбуотӣ баргузор мегардад
Имрӯз дар Тоҷикистон ҳавои тағйирёбанда дар назар аст
1 август дар ноҳияҳои кӯҳии Тоҷикистон хавфи сар задани селҳои пиряхӣ боқӣ мемонад
Маҷлиси Кумитаи иҷроияи Ҳизби Халқии Демократии Тоҷикистон дар шаҳри Ҳисор баргузор гардид
Неругоҳи барқи обии «Қайроққум» навсозӣ мешавад
Ҷаласаи Шурои вилоятии мутобиқсозию методӣ оид ба таълим ва тарбияи ҳуқуқии шаҳрвандон доир гардид
Имрӯз дар Тоҷикистон ҳавои тағйирёбанда дар назар аст
