РВКД дар вилояти Хатлон: 245 ҳолати дар Сурияву Ироқ ҳузур пайдо кардани сокинон муайян шуд

Душанбе, 04.02.2016. (АМИТ «Ховар»).-Соли 2015 дар қаламрави вилояти Хатлон аз ҷониби кормандони милитсия 14 ҳолати таълимоти ғайрирасмии динӣ ошкор гардида, нисбат ба 14 мударрис, ки ба 51 наврасу ҷавон таълим медоданд, ҷазо таъйин шуда, нисбат ба 229 муллои сеҳргару мардумфиреб парвандаҳои маъмурӣ тартиб дода шудааст, ки аксари онҳо ба фолкушоиву мардумфиребӣ машғул будаанд,- иттилоъ дод Баҳром Шарифзода, сардори раёсати ВКД дар вилояти Хатлон ва афзуд, ки 245 ҳолати дар Сурияву Ироқ ҳузур пайдо кардани сокинони вилоят муайян гардид, ки дар ин миён 32 зан ва 54 нафарашон ноболиғ будаанд.
Б. Шарифзода ҳамчунин хабар дод, ки аз вилоят 21 нафар ҳамроҳи зану фарзандаш ба Сурия рафта, дар соли сипаришуда 29 нафари он бозгаштанд ва аксари онҳо бинобар изҳори пушаймонӣ намудан мавриди авф қарор гирифта, дар ин ҷанг тайи як соли охир хабари кушта шудани 31 нафар расидааст — хабар дод
Сардори раёсати ВКД дар вилояти Хатлон бо ёдоварӣ аз ҳаводиси вобаста ба собиқ генерал Ҳоҷӣ Ҳалим гуфт, ки ҳамдастии 43 сокини вилоят бо ин гурӯҳ муайян гардида, 23 нафари онҳо дастгир, 6 нафар безарар гардонида шуда ва 14 нафар дар пайгарди қонунӣ қарор доранд.