Сарбозон-сипари боэътимоди Ватан

Душанбе, 19.02.2016. (АМИТ «Ховар»).- Имрӯз бо ибтикори Кумитаи ҷавонон, варзиш ва сайёҳӣ дар ҳамкорӣ бо Вазорати мудофиаи Ҷумҳурии Тоҷикистон дар асоси нақшаи муштараки ҳамкорӣ гурӯҳи корӣ дар ҳайати собиқадорони соҳа, намояндагони илму маориф, зиёиён ва коршиносон дар қисмҳои ҳарбии 41008, 41008 «а», 02615г, 07033, 01215, 12019-и — қувваҳои ҳарбӣ-ҳавоӣ ва мудофиаи зидди ҳавоии Вазорати мудофиаи Ҷумҳурии Тоҷикистон бо афсарону сарбозон вохӯрӣ анҷом доданд.
Дар вохӯриҳо гурӯҳи корӣ нахуст сарбозонро ба Рӯзи Артиши миллӣ табрик намуда, сипас собиқадорони соҳа перомуни таъсиси Қувваҳои Мусаллаҳи Ҷумҳурии Тоҷикистон ва нақши он дар пойдории сулҳу суботи кишвар изҳори андеша намуданд.
Ҳамзамон дар вохӯрӣ дар ҳошияи Паёми Асосгузори сулҳу Ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба масъалаҳои тарбияи ҳарбӣ — ватандӯстии ҷавонон, содиқона хизмат намудан ба Ватан, дӯстиву рафоқат, муттаҳидӣ, худшиносии миллӣ, баланд бардоштани малакаву маҳорати ҷангӣ, аз худ намудани донишҳои муосир, омодагии доимии ҳарбӣ ва ҳушёриву зиракии сиёсӣ таваҷҷуҳи махсус зоҳир гардид.
Дар мулоқот ба сарбозону афсарон туҳфаҳои хотиравии кумита супорида шуданд.
Дар ин бора сухангӯи Кумитаи ҷавонон, варзиш ва сайёҳӣ Наврӯз Қурбонов иттилоъ дод.