Суғд: баргузории вохӯриҳо оид ба шарҳи Паёми Пешвои миллат ва зарурати тағйиру иловаҳо ба Конститутсия
Хучанд, 18.02.2016. (АМИТ “Ховар”).-Дар асоси нақшаи Дастгоҳи иҷроияи Президенти Ҷумҳурии Тоҷикистон бо мақсади ташреҳи Паёми Президенти Ҷумҳурии Тоҷикистон ба Маҷлиси Олии Ҷумҳурии Тоҷикистон ва аҳамияти тағйиру иловаҳои пешбинигашта ба Конститутсияи Тоҷикистон дар шаҳру навоҳии вилояти Суғд аз ҷониби гурӯҳи тарғиботӣ бо сокинон вохӯриҳо доир гардида истодаанд. Мулоқотҳо асосан бо фарогирии вакилони Маҷлиси вакилони халқи маҳаллӣ, кормандони соҳаҳои гуногуни хоҷагии халқ, аз қабили омӯзгорон, табибон, фаъолони маҳал, аъзои Шӯрои ҷамъиятӣ, собиқадорони меҳнат баргузор гардида истодаанд. Тавре ки ба АМИТ “Ховар” масъулин аз мақомоти маҳаллии ҳокимияти давлатии вилоятӣ иттилоъ доданд, мақсади вохӯриҳо- ин шарҳу тавзеҳи муҳтавои Паёми Асосгузори сулҳу Ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва фаҳмонидани нуктаҳои асосии он ба ҳисоб меравад. Ба гурӯҳи корӣ кормандони масъули Дастгоҳи иҷроияи Президенти Ҷумҳурии Тоҷикистон, масъулин аз мақомоти ҳокимияти вилоятӣ ва сохтору мақомоти маҳаллӣ, олимону коршиносон шомиланд.
Зимни баргузории вохӯриҳо оид ба тағйироту иловаҳо ба Конститутсияи ҷумҳурӣ аз ҷониби масъулин таъкид гардид, ки тағйиру иловаҳо асосан ба таҳкими равандҳои демократикунонӣ, ҳуқуқу озодиҳои инсон, низоми мақомоти ҳокимияти давлатӣ ва идора, дар маҷмӯъ ба рушди ҷомеа нигаронида шуда, тибқи пешниҳодот зиёда аз 40 тағйиру иловаҳо ба Конститутсияи (Сарқонуни) Ҷумҳурии Тоҷикистон ворид карда шуда, қарор аст, ки 22 майи соли равон раъйпурсии умумихалқӣ оид ба ворид намудани тағйиру иловаҳо ба Конститутсияи (Сарқонуни) Ҷумҳурии Тоҷикистон баргузор гардад.
То имрӯз чунин вохӯриҳо дар шаҳру ноҳияҳои Хуҷанд, Қайроққум,Чкалов,Исфара, Айнӣ, Ашт ва Ғончӣ доир гардида, баргузории он бо ҷалби сокинони дигар манотиқи вилоят идома дорад.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






