Тақвияти ҳамкорӣ бо муассисаҳои таълимӣ

Душанбе, 19.02.2016 (АМИТ «Ховар»).- Бо ташаббуси ВКД кормандони масъули Хадамоти пешгирии ҳуқуқвайронкунӣ бо ҷавонони фаъоли гурӯҳи «Пешоҳанг» байни ноболиғон ва ҷавонони муассисаҳои таҳсилоти миёнаи умумӣ вохӯриҳо гузаронида,  зимни суҳбат бо  омӯзгорону хонандагони мактабҳои ноҳияи Исмоили Сомонӣ онҳоро бо вазъи имрӯзаи ҷумҳурӣ, минтақа ва ҷаҳон ошно сохта, доир ба ҳодисаҳои нангине, ки дар як зумра кишварҳои мусулмонӣ рух дода истодаанд ва баъзе ҷавонони тоҷик низ дар муноқишаҳои дохилии ин давлатҳо иштирок доранд, изҳори андеша намуданд.

Чунин суҳбату вохӯриҳо дар байни ноболиғон ва ҷавонон давоми 10 рӯз идома меёбанд.