Ташкилоти пудратӣ бо қувваи худ корҳоро иҷро карданд

Душанбе, 09.02.2016. (АМИТ «Ховар»). — Ташкилоти пудратии ҷумҳурӣ дар моҳҳои январ — декабри соли 2015 бо қувваи худ ба маблағи 4764,7 млн. сомонӣ корҳои пудратиро иҷро кардаанд, ки нисбат ба моҳҳои январ — декабри соли 2014-ум 717,1 млн. сомонӣ зиёд аст.
Ҳаҷми корҳои пудратӣ, ки ташкилоти шакли моликияташон гуногун иҷро кардаанд, аз ҷумла, давлатӣ 146,2 млн. сомонӣ ё 3,1 фоиз, саҳомӣ 1110,3 млн. сомонӣ (23,3 фоиз), ҷамъиятҳои масъулияташон маҳдуд 2305,5 млн. сомонӣ (48,4 фоиз), соҳибкорони инфиродӣ 90,9 млн. сомонӣ (1,9 фоиз) ва корхонаҳои хориҷӣ 1111,8 млн. сомонӣ ё 23,3 фоизи ҳаҷми умумиро ташкил медиҳанд.